Türkmenistanly boksçylar Gazagystanda geçirilen halkara ýaryşda bäş baýragyň eýesi boldular
Türkmen boksçylary Aktauda (Gazagystan) Kambar Andaşewiň hatyrasyna geçirilen halkara ýaryşda bäş medal - bir altyn, iki kümüş we iki bürünç gazandylar. Bu barada ORIENT-iň habarçysyna bu sportuň federasiýasy tarapyndan habar berildi.
Türkmen topary üçin ýeke-täk altyn medal 46 kilograma çenli agram derejesinde üstünlikli çykyş eden Nurmyrat Saparow getirdi.
Mergen Hojamammedow 60 kilograma çenli agram derejesinde kümüş baýrak aldy. Ýene bir kümüş medaly 86 kilograma çenli agram derejesinde çykyş edip Alibek Jalilow gazandy.
Halkara ýaryşda bürünç medal gazananlar Seýitjan Babajanow (54 kg çenli) we Ýazmyrat Bäbişew (71 kg çenli) boldy.
Mundan ozal Aktauda geçirilen halkara ýaryşynda türkmen boksçylarynyň alty medal alandygyny ýatladýarys.
ORIENT news
