Türkmenistanyň Döwlet migrasiýa gullugynyň wekilleri Ýewropada Howpsuzlyk we hyzmatdaşlyk guramasynyň halkara uçuşlarynyň ýolagçylary barada ilkinji maglumatlary alyşmak boýunça okuw sapagyna gatnaşdylar.
Aşgabat şäher telefon ulgamy guramalara, kiçi we orta kärhanalara ýüzlenmeleri gaýtadan işlemegi guramak we hödürlenýän hyzmatlar barada müşderilere habar bermek üçin «Jaňlary kabul ediş merkezi» atly hyzmatdan peýdalanmagy teklip edýär.
«Türkmenfilm» birleşigi Türkiýäniň Bursa şäherinde geçirilen Türk dünýäsiniň «Korkut Ata» atly halkara film festiwalynda iki sany baýrak aldy, bu barada wekilçilikli birleşikler Instagram saýtynda habar berýärler.
Prezident Baýden Birleşen Ştatlaryň Owganystanyň goňşy döwletleri hem-de beýleki ýurtlary üçin howpa öwrülmezligi ugrunda işlejekdigini aýtdy.
Ýekşenbe güni Aşgabatda metbugat üçin beren beýanatynda “Türkmenistan – Merkezi Aziýada durnuklylyk ýurdy” diýip, ABŞ-nyň döwlet sekretarynyň kömekçisi aýtdy.
Türkmenistanyň Ulag we aragatnaşyk toplumynda infrastruktura we jemgyýetçilik taslamalarynyň birnäçesi durmuşa geçirilýär. Şol sanda, Aşgabat Halkara howa menzilinde täze angar toplumy gurulýar, Jebelde täze howa menziliniň we Serhetabat-Turgundi türkmen-owgan demir ýol şahasynda demir ýol köprüsiniň gurluşygy dowam edýär.
Prezident Serdar Berdimuhamedow söwda torunda harytlaryň üpjünçiligine gözegçilik etmegi, gyş möwsüminiň başlanmagy bilen we baýramçylygyň öňýaýnynda bahalaryň ýokarlanmagynyň öňüni almagy buýurdy.
Prezidentiň görkezmesine laýyklykda, Türkmenistanyň 2023-nji ýyl üçin Döwlet býujetiniň taslamasynyň üstünde işlenildi we bu barada anna güni wideoaragatnaşyk arkaly geçirilen Ministrler Kabinetiniň mejlisinde hasabat berildi.
Bakuda BMG-nyň Ýewropa boýunça ykdysady topary (UNECE) bilen BMG-nyň Aziýa we Ýuwaş ummany sebiti üçin ykdysady we durmuş toparynyň (UNESCAP) bilelikdäki nobatdaky mejlisi geçirilýär, ol Demirgazyk we Merkezi Aziýa sebitinde demirýollaryň sanly transformasiýasyny çaltlaşdyrmaga bagyşlanandyr.
Wladimir Putin Gurbanguly Berdimuhamedowa Russiýanyň “Watan öňündäki hyzmatlary üçin” ordeniniň IV derejesini gowşurdy. Baýrak gowşurylyş dabarasy penşenbe güni Kremlde Russiýanyň Prezidentiniň Türkmenistanyň Milli Geňeşiniň Halk Maslahatynyň Başlygy bilen bolan duşuşygynda bolup geçdi – diýip, kremlin.ru habar berýär.
Duşenbe güni Türkmenistanyň parlamentiniň ýokarky palatasynyň Başlygy Gurbanguly Berdimuhamedow we Özbegistanyň prezidenti Şawkat Mirziýoýew şu hepdäniň ahyrynda Samarkant şäherinde geçiriljek Türki döwletleriň guramasynyň sammitiniň gün tertibini telefon arkaly ara alyp maslahatlaşdylar. Bu barada Özbegistan Respublikasynyň başlygynyň resmi web saýtynda habar berilýär.
Russiýa Federasiýasynyň Kazan şäherindenTürkmenistana uçmak üçin resmileşdirilen mahalyPZR-testiniň barlagyny tabşyrmak aňsatlaşdyryldy. Bu barada awiakompaniýanyň Russiýa Federasiýasyndakybaş wekili öz resmi saýtynda habar berýär.
Türkmenistanyň döwlet serhet we gümrük gullugynyň wekilleri Merkezi Aziýada serhetleri dolandyrmaklyga goldaw bermek (BOMCA - 10) Maksatnamasynyň çäklerinde kinologik düzümleriň işini kämilleşdirmek boýunça okuw seminaryny geçirdi. Bu barada ÝB-niň ýurdumyzdaky wekilhanasynyň resmi saýtynda habar berilýär.
ÝUNISEF Türkmenistanyň saglygy goraýyş we derman senagaty ministrligine jemi bahasy 600 müň ABŞ-nyň dollary bolan 250 müň sany COVID-19 anyklaýyş ekspres-testlerini gowşurdy. Bu barada bu guramanyň Türkmenistandaky wekilhanasynyň resmi Instagram sahypasynda habar berilýär.
Türkmenistanyň Zähmet we ilaty durmuş taýdan goramak ministrliginiň welaýat müdirlikleri Ahal we Lebap welaýatynyň ýaşaýjylary üçin boş iş orunlaryň ýarmarkasyny geçirer. Bu barada edaranyň resmi web saýtynda habar berilýär.
