Türkmenistanyň 2023-nji ýyl üçin döwlet býujetiniň taslamasy Mejlisiň garamagyna hödürlendi
Prezidentiň görkezmesine laýyklykda, Türkmenistanyň 2023-nji ýyl üçin Döwlet býujetiniň taslamasynyň üstünde işlenildi we bu barada anna güni wideoaragatnaşyk arkaly geçirilen Ministrler Kabinetiniň mejlisinde hasabat berildi.
Geljek ýylda esasy maýa goýumlary, däp bolşy ýaly, ykdysadyýetiň ösüşine, önümçilik kuwwatynyň ýokarlanmagyna, ýaşaýyş jaý gurluşygyna gönükdiriler. Aýlyk haklaryny, pensiýalary, talyp haklaryny, döwlet ýeňilliklerini we beýleki sosial ýeňillikleri ýokarlandyrmak üçin maliýe serişdeleri göz öňünde tutuldy.
Mejlisiň barşynda Türkmenistanyň 2023-nji ýyl üçin döwlet býujetiniň taslamasy Türkmenistanyň Milli Geňeşiniň Mejlisiniň garamagyna hödürlendi.
Prezident Serdar Berdimuhamedow Türkmenistanyň durmuş-ykdysady ösüşi üçin maksatnamanyň taýýarlanyşyny çaltlaşdyrmagy tabşyrdy. Döwlet baştutany gurluşyk maksatnamasyna aýratyn üns berilmelidigini nygtady.
ORIENT news
