Türkmenistanyň Prezidenti baýramçylyk günleriniň öňýanynda bahalaryň ýokarlanmagyna ýol bermezligi tabşyrdy
Prezident Serdar Berdimuhamedow söwda torunda harytlaryň üpjünçiligine gözegçilik etmegi, gyş möwsüminiň başlanmagy bilen we baýramçylygyň öňýaýnynda bahalaryň ýokarlanmagynyň öňüni almagy buýurdy.
Bu görkezme türkmen hökümetiniň anna güni geçirilen mejlisinde wise-premýer Batyr Atdaýewe 2022-nji ýylyň ýanwar-oktýabr aýlarynda söwda toplumynyň, dokma senagatynyň we telekeçiligiň görkezijileri baradaky hasabatyndan soň berildi.
Hususan-da, dokma pudagynda nah matalary (130,3%) we ýüplük (126,6%) öndürýän kärhanalar önümçiligiň ep-esli ösüş depginini görkezdiler. Egin-eşik, trikotaž, haly we deri önümlerini öndürijiler hem ýylyň geçen on aýyny üstünlikli jemlediler.
Işewürlik segmentinde oba hojalygynyň we azyk önümleriniň öndürilişi geçen ýylyň degişli döwri bilen deňeşdirilende, 72,5% çenli artdy. Senagat önümlerini öndürýän kärhanalar tarapyndan hem görkezijiler kanagatlanarlydyr (+ 9,9%).
Şol bir wagtyň özünde, döwlet baştutany içerki önümleriň önümçiligini mundan beýläk-de ýokarlandyrmagyň zerurdygyny belledi.
ORIENT news
