Türkmenistanyň Bilim ministrligi 2023-2024-nji okuw ýylynda Hytaýyň ýokary okuw mekdeplerinde okamak üçin seçip almalary geçirýär. Bu baradaky bildirişi 14-nji martda resmi türkmen metbugaty çap etdi.
2021-nji ýylda Hytaýda ömrüň ortaça dowamlylygy 78,2 görkezijä ýetip, taryhy öňe gidişligi amala aşyrdy – diýip, China daily habar berýär. Tersine, dogulyşyň ýyllyk koeffisiýenti onýyllyklaryň dowamynda kemelmäge tarap akgyn edýär, bu bolsa ýurtdaky gartaşan ýaşly adamlaryň sanynda öz beýanyny tapdy.
Türkmen dzýudoçysy Serdar Rahymow 10-12-nji martda Rimde (Italiýa) geçen Ýewropanyň açyk çempionatynda 66 kg çenli agram derejesinde kümüş medal gazandy.
Belarusda GDA ýurtlarynyň II Oýunlarynyň nyşanyny we tumaryny tassykladylar, bu oýunlary Respublika 2023-nji ýylyň 3-nji awgustyndan 15-nji awgusynta çenli kabul eder.
Türkmen wekiliýeti «Täjigistan-Merkezi Aziýa: hoşniýetli goňşuçylyk syýasaty, özara goldaw, baky dostluk we bilelikdäki ösüş» atly halkara ylmy-amaly maslahatyna gatnaşdy. Bu barada Täjigistanyň Milli maglumatlar agentligi «Howar» habar berýär.
Türkmenistanda parlamentiň (Mejlisiň) deputatlarynyň ýedinji çagyrylyşynyň saýlawlaryna taýýarlyk görmegi we geçirmegi monitoring etmegiň çäklerinde GDA-dan gelen halkara synçylar Daşoguz welaýatyna baryp gördüler. Bu barada Arkalaşygyň Ýerine ýetiriji komitetiniň saýty habar berýär.
Arkadag şäheri bilen fransuzlaryň Mezon-Laffit şäheriniň arasynda doganlyk gatnaşyklarynyň ýola goýulmagyny Türkmenistanyň Fransiýadaky ilçisi Maksat Çaryýew we fransuz şäheriniň häkimi, Fransiýanyň parlamentiniň hormatly agzasy Žak Mýard ara alyp maslahatlaşdylar – diýip, türkmen diplomatik wekilhanasynyň metbugat maglumatynda habar berilýär.
Energiýanyň gaýtadan dikeldilýän çeşmeleri babatynda hyzmatdaşlygy giňeltmegiň meseleleri Türkmenistanyň döwlete degişli düzümleriniňwekilleriniň Beýik Britaniýanyň degişli ugurdaky kompaniýalary bilen geçiren tegelek stolunyň esasy temasy boldy. Bu barada Beýik Britaniýanyň Türkmenistandaky ilçihanasynyň Instagramdaky sahypasynda habar berilýär.
Türkmenistanyň Daşary ykdysady gatnaşyklar bankynyň başlygy R.Jepbarowyň ýolbaşçylygyndaky Türkmenistanyň wekiliýeti ştab-kwartiralary Şweýsariýanyň Ženewa şäherinde ýerleşýän Bütindünýä Söwda Guramasynyň (BSG), Halkara Söwda Merkeziniň we BMG-niň Ýewropa ykdysady komissiýasynyň wekilleri bilen birnäçe duşuşyklary geçirdi.
Türkmenistanyň Prezidenti wise-premýerlere, welaýatlaryň we Aşgabat şäheriniň dolandyryş merkezleriniň ýolbaşçylaryna 2023-nji ýylda açylyp ulanylmaga berilmegi meýilleşdirilen dürli maksatly desgalardaky gurluşyk işleriniň ýokary hilli we öz wagtynda ýerine ýetirilmegini gözegçilikde saklamagy tabşyrdy.
Türkmenistan, Gurbanguly Berdimuhamedow adyndaky Haýyr-sahawat gaznasynyň adyndan Ukrainadaky howandarlyga mätäç çagalara ynsanperwerlik kömegini iberer.
Aşgabat şäherinde 3-4-nji maýda “Halkara ulag we üstaşyr geçelgeler: özara baglanyşyk we ösüş” (ITTC 2023) atly ikinji halkara maslahat we sergi geçiriler. Maslahatda pandemiýadan soňky dikeldiş we halkara ulag pudagynda täze hakykatlara uýgunlaşmak, netijeli halkara ulag we üstaşyr geçelgeleri ösdürmek ýaly meseleler ara alnyp maslahatlaşylar. Çäräniň dowamynda «Gündogar-Günbatar» we «Demirgazyk-Günorta» ugurlary boýunça, şol sanda Hytaýyň «Bir guşak – bir ýol” (BRI) başlangyjynyň çäklerinde ýewraziýa ýük daşama akymlaryna gatnaşyp biljek awtoulag ýollary, halkara deňiz portlary, howa we demirýol menzilleri ýaly ulag toplumlarynda infrastruktura mümkinçilikleri üns merkezinde bolar. Aşgabat şäherinde 3-4-nji maýda “Halkara ulag we üstaşyr geçelgeler: özara baglanyşyk we ösüş” (ITTC 2023) atly ikinji halkara maslahat we sergi geçiriler. Maslahatda pandemiýadan soňky dikeldiş we halkara ulag pudagynda täze hakykatlara uýgunlaşmak, netijeli halkara ulag we üstaşyr geçelgeleri ösdürmek ýaly meseleler ara alnyp maslahatlaşylar. Çäräniň dowamynda «Gündogar-Günbatar» we «Demirgazyk-Günorta» ugurlary boýunça, şol sanda Hytaýyň «Bir guşak – bir ýol” (BRI) başlangyjynyň çäklerinde ýewraziýa ýük daşama akymlaryna gatnaşyp biljek awtoulag ýollary, halkara deňiz portlary, howa we demirýol menzilleri ýaly ulag toplumlarynda infrastruktura mümkinçilikleri üns merkezinde bolar.
Hormatly Prezidentimiz iş maslahatynyň gün tertibine geçip, welaýalatlaryň häkimlerine söz berdi. Häkimler öz çykyşynda şu günler welaýatlaryň ekin meýdanlarynda alnyp barylýan möwsümleýin oba hojalyk işleriniň ýagdaýy, barada hasabat berdi.
Türkmenistanyň Daşary işler ministriniň orunbasary Mähri Bäşimowa duşenbe güni Eýran Yslam Respublikasynyň Türkmenistandaky Adatdan daşary we Doly ygtyýarly ilçisi Abbas Arbab Hales bilen duşuşdy. Daşary işler ministrliginiň binasynda geçirilen gepleşiklerde ikitaraplaýyn gün tertibindäki möhüm meseleler ara alnyp maslahatlaşyldy.
Latwiýa Ýewropa-Kawkaz-Aziýa (TRACECA) ulag geçelgesine birikmäge bil baglamak bilen, Merkezi Aziýadan Baltika we Skandinawiýa ýurtlaryna gatnatmalaryň synag hyzmatyny ýola goýar. Taslamanyň üstünlikli amala aşmagy Merkezi Aziýadan Skandinawiýa alternatiw ulag geçelgesiniň döredilmegine esas bolup biler.
