Türkmenleriň Arkadag şäheri fransuzlaryň Mezon-Laffit şäheri bilen doganlaşan şäherler bolup biler
Arkadag şäheri bilen fransuzlaryň Mezon-Laffit şäheriniň arasynda doganlyk gatnaşyklarynyň ýola goýulmagyny Türkmenistanyň Fransiýadaky ilçisi Maksat Çaryýew we fransuz şäheriniň häkimi, Fransiýanyň parlamentiniň hormatly agzasy Žak Mýard ara alyp maslahatlaşdylar – diýip, türkmen diplomatik wekilhanasynyň metbugat maglumatynda habar berilýär.
Parižden 19 km uzaklykda ýerleşip, Mezon-Laffit özüniň köp asyrlyk gözel ýerleri we Ýewropada iň uzyn göni ýodasy bolan uly aýlawy bilen meşhurdyr. Bulardan başga-da, şäherde at ýataklar, çapuw atlarynyň türgenleşik binýatlary we «Ptolemeýiň» atynyň bürünçden ýasalan heýkeli bar.
Türkmenistanyň ilçisi şäheriň häkimine Arkadag şäheriniň – Ahal welaýatynyň täze dolandyryş merkeziniň gurluşygy barada habar berdi, ol ýurduň iri şäherleriniň biri bolmalydygyny belledi.
Infrastrukturanyň köp desgalary bilen bir hatarda täze şäherde Ahalyň atly sirkini, atçylygyň Ylmy-önümçilik merkezini, Ginnesiň rekordlar kitabyna giren meşhur Akhan bedewiniiň heýkelini, şeýle hem Aba Annaýew adyndaky Halkara atçylyk akademiýasyny gurarlar.
Mýard berlen maglumat üçin minnetdarlyk bildirdi we Arkadag şäheri bilen Mezon-Laffitiň arasynda doganlyk gatnaşyklaryny ýola goýmak pikirini goldady. Şunuň ýaly gatnaşyklar iki şäheriň arasynda ýakyn we uzak möhletli gatnaşyklaryň ösmegine ýardam eder – diýip, fransuz şäheriniň häkimi nygtady.
Duşuşyk tamamlanandan soňra Mýard Türkmenistanyň Fransiýadaky ilçisini bu ýurduň gözel şäherleriniň biri bolan Mezon-Laffit şäheriniň infrastrukturasy we gözel ýerleri bilen tanyşdyrdy.
ORIENT habarlar
