Duşenbe güni Türkmenistanyň parlamentiniň ýokarky palatasynyň Başlygy Gurbanguly Berdimuhamedow we Özbegistanyň prezidenti Şawkat Mirziýoýew şu hepdäniň ahyrynda Samarkant şäherinde geçiriljek Türki döwletleriň guramasynyň sammitiniň gün tertibini telefon arkaly ara alyp maslahatlaşdylar. Bu barada Özbegistan Respublikasynyň başlygynyň resmi web saýtynda habar berilýär.
Russiýa Federasiýasynyň Kazan şäherindenTürkmenistana uçmak üçin resmileşdirilen mahalyPZR-testiniň barlagyny tabşyrmak aňsatlaşdyryldy. Bu barada awiakompaniýanyň Russiýa Federasiýasyndakybaş wekili öz resmi saýtynda habar berýär.
Türkmenistanyň döwlet serhet we gümrük gullugynyň wekilleri Merkezi Aziýada serhetleri dolandyrmaklyga goldaw bermek (BOMCA - 10) Maksatnamasynyň çäklerinde kinologik düzümleriň işini kämilleşdirmek boýunça okuw seminaryny geçirdi. Bu barada ÝB-niň ýurdumyzdaky wekilhanasynyň resmi saýtynda habar berilýär.
ÝUNISEF Türkmenistanyň saglygy goraýyş we derman senagaty ministrligine jemi bahasy 600 müň ABŞ-nyň dollary bolan 250 müň sany COVID-19 anyklaýyş ekspres-testlerini gowşurdy. Bu barada bu guramanyň Türkmenistandaky wekilhanasynyň resmi Instagram sahypasynda habar berilýär.
Türkmenistanyň Zähmet we ilaty durmuş taýdan goramak ministrliginiň welaýat müdirlikleri Ahal we Lebap welaýatynyň ýaşaýjylary üçin boş iş orunlaryň ýarmarkasyny geçirer. Bu barada edaranyň resmi web saýtynda habar berilýär.
Türkmenistanyň Ylymlar akademiýasy özüniň ylmy-barlag institutlary we tor ulgamlaryna niýetlenen täze barlaghana enjamlaryny we serişdelerini satyn almak barada tender-bäsleşigini yglan etdi. Bu bildiriş şu gün «Neýtralnyý Turkmenistan» gazetinde çap edildi.
Parnik gazlarynyň we toplanan ýylylygyň barha artýan konsentrasiýalary soňky 8 ýylyň iň yssy döwür bolup biljekdigini görkezýär.
Russiýanyň uniwersitetleri 2023/2024-nji okuw ýyly üçin kbul etmegiň täze düzgünlerini çap etdiler. “Moslentanyň” habar berşi ýaly, esasy üýtgetmeler resminamalary tabşyryp boljak hünärleriň hem-de ugurlaryň sanyna degişli boldy – ozal dalaşgär arzalaryň ona çenlisini berip bilýärdi, indi olaryň sany bäşe çenli azaldyldy.
Şenbe güni, 5-nji noýabrda Prezident Serdar Berdimuhamedow Türkmenistan geçen köpçülikleýin bag ekme çäresine gatnaşdy. Döwlet Baştutany Aşgabadyň günorta künjeginde Magtymguly Pyragynyň äpet ýadygärliginiň töwereginde döredilýän giň gerimli tokaý zolagynyň çäklerinde tutuş ýurdumyz boýunça bag ekilmegine badalga berdi.
Şu hepde Stambulda “Howpsuzlygyň ýagdaýy: dilemma, ýakynlaşmak, görnüşler we Aziýa” meselä bagyşlanan halakara maslahat geçirildi. Foruma Türkmenistandan DIM-niň Halkara gatnaşyklary institutynyň Strategik barlaglar merkeziniň wekilleri gatnaşdylar.
Türkmenistanyň taryhy Änew şäheri 2024-nji ýyl üçin türki dünýäsiniň medeni paýtagty diýlip yglan edildi. Şeýle çözgüt türki dünýäsiniň 2022-nji ýylda medeni paýtagty bolan Bursa şeherinde geçirilen TÜRKSOÝ-yň medeniýet ministrleriniň hemişelik geňeşiniň 39-njy mejlisinde kabul edildi. Duşuşygyň jemleýji jarnamasyna Türkmenistanyň medeniýet ministri Atageldi Şamyradow bilen birlikde, agza ýurtlaryň edaralarynyň ýolbaşçylary gol çekdiler.
Diplomat bolmak isleýän ýokary synp mekdep okuwçylarynyň arasynda geçirilýän bäsleşik ikinji doglan gününi belleýär. Bu intellektual oýnuň täze möwsüminiň ilkinji gatnaşyjylary 22-nji noýabrda oýnuň dogduk mekany – Türkmenistanyň Daşary işler ministrliginiň Halkara gatnaşyklar institutynda bat alar.
Moskwa şäherine amala aşyrýan resmi saparynyň çäklerinde Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow çarşenbe güni Federasiýa Geňeşiniň 532-nji mejlisinde çykyş etdi.
Anna güni 4-nji noýabrda Türkmenistanyň Döwlet haryt-çyg mal biržasyndaky söwdalaşmalarda umumy jemi 9 million amerikan dollaryna deň bolan iki sany geleşik baglaşyldy. Bu barada ORIENT-iň habarçysy habar berýär.
Aşgabatda 10-11-nji noýabrda Söwda-senagat edarasynyň binasynda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň “Türkmentel — 2022” atly XV halkara sergisi we ylmy maslahaty geçirilip, ol tehnologik kompaniýalar bilen birlikde, akademiki toparlaryň wekillerini, bazaryň bilermenlerini hem-de işewür jemgyýetçiliginiň wekillerini bir ýere jemlär.
