TDHÇMB-daky söwdalaşmalar: eksport üçin 9 muň tonna golaý awiakerosin ýerlenildi
Anna güni 4-nji noýabrda Türkmenistanyň Döwlet haryt-çyg mal biržasyndaky söwdalaşmalarda umumy jemi 9 million amerikan dollaryna deň bolan iki sany geleşik baglaşyldy. Bu barada ORIENT-iň habarçysy habar berýär.
Beýik Britaniýanyň we Wirgin adalarynyň işewürleri jemi bahasy 9 million amerikan dollaryna barabar bolan TС-1 kysymly awiakerosiniň jemi 8,9 tonnasyny satyn aldylar.
Telekeciler Türkmenbaşynyň nebiti gaýtadan işleýan zawodlar toplumynda öndürilen önümiň bir tonnasynyň bahasyny 1 015,75 ABŞ-nyň dollary diýip kesgitlediler.
Söwdalaşmalara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalaşmalar duşenbe-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, tmex.gov.tm saýtyndaky funksional platformanyň üsti bilen öndürijiler bilen gönümel habarlaşyp, birža harytlarynyň söwdasy boýunça teklipler bilen tanşyp bolar. Şeýle-de birža harytlaryny ýerlemek baradaky bildirişleri çap etmek mümkinçiligi hem elýeterlidir.
ORIENT news
Surat: redaksiýanyň arhiwinden
