Türkmenistanyň Prezidenti Serdar Berdimuhamedow BMG-niň Baş sekretary Antoniu Guterrişi we Birleşen Milletler Guramasynyň Sekretariatynyň ähli işgärlerini BMG-niň güni bilen gutlady we olara berk jan saglyk, bagt we abadançylyk arzuw etdi.
Ýakyn wagtda Halk Maslahatynyň – türkmen parlamentiniň ýokary palatasynyň başlygy Gurbanguly Berdimuhamedowyň Koreýa Respublikasyna sapary meýilleşdirilýär. Bu barada “Merkezi Aziýa–Günorta Koreýa” hyzmatdaşlyk forumyna gatnaşyjy ýurtlaryň daşary syýasat edaralarynyň ýolbaşçylarynyň Seulda duşenbe güni günüň ikinji ýarymynda premýer-ministr Han Doksu bilen geçirilen duşuşygy barada türkmen MID-niň beren habarynda aýdylýar.
China Daily , 20-nji Kommunistik partiýa gurultaýynyň netijelerine esaslanyp, Hytaý Kommunistik Partiýasynyň (HKP) Merkezi komitetiniň baş sekretarlygyna saýlanan Si Szinpin, Hytaý Kommunistik partiýasynyň 20–nji ýygnagynyň Pekinde geçirilen ilkinji umumy mejlisinde, 2035-nji ýyla çenli Hytaýy häzirki zaman sosialistik ýurda öwürmekde ösüşiň täze tapgyrynyň başlanýandygyny we Hytaýyň ähli tarapdan şu asyryň ortalaryna çenli beýik sosialistik güýje öwrüljekdigini belledi.
Şenbe güni Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň başlyklygynda ýurduň döwlet dolandyryş ulgamyny has-da kämilleşdirmek, dolandyryş-çäk birliklerine gaýtadan seretmek meselelerine bagyşlanan mejlis geçirildi.
Ýurdumyzyň dizaýnerleri «Halkara dizaýnerleriniň Aşgabat dialogy» forumynyň çäklerinde daşary ýurtly kärdeşleri bilen ykdysady we jemgyýetçilik taslamalaryny ösdürmekde medeni hyzmatdaşlygy ara alyp maslahatlaşdylar. Bu forum Aşgabat şäher häkimliginiň, Türkmenistanyň Gurluşyk we binagärlik ministrliginiň, ÝUNESKO-nyň işleri barada Türkmenistanyň Milli toparynyň sekretariatynyň guramagynda Türkmenistanyň Söwda-senagat edarasynyň binasynda geçirildi – diýip, TDH gullugy habar berýär.
Pekinde Hytaýyň Kommunistik partiýasynyň (HKP) XX gurultaýy açyldy, onda ýurduň geljekdäki ösüş ugry kesgitlener we ýokary partiýa ýolbaşçylary saýlanar – diýip, Chinadaily hbar berýär.
Wise-premýer, Türkmenistanyň Daşary işler ministri Raşid Meredow içerki we halkara habar beriş serişdeleriniň žurnalistleriniň gatnaşmagynda ýurduň Daşary işler ministrliginiň çäginde metbugat topary (Press Pool) döretmegi teklip etdi. TDH gullugynyň habar bermegine görä, bu Türkmenistanyň Ministrler Kabinetiniň mejlisiniň barşynda mälim edildi.
«Russiýanyň demir ýollary» holdingi käbir harytlary, hususan-da, daş kömür koksuny we metallurgiýa önümlerini Birleşen Arap Emirliklerine, Türkiýä we käbir beýleki döwletlere Türkmenistanyň we Eýranyň çäginden daşamagy meýilleşdirýär – diýip, TASS agentligi habar berýär.
Türkmenistanyň Kazandaky Baş konsuly Güýç Garaýew Tatarystanyň premýer-ministriniň orunbasary Leýla Fazleýewa bilen medeni we ynsanperwer hyzmatdaşlygy ara alyp maslahatlaşdy we ikitaraplaýyn hyzmatdaşlygy ösdürmegiň möhümdigini bellediler. Bu barada Türkmenistanyň Kazandaky Baş konsullygynyň resmi saýty habar berýär.
Türkmenistanyň Prezidenti Serdar Berdimuhamedow we Halk Maslahatynyň – türkmen parlamentiniň ýokary palatasynyň başlygy Gurbanguly Berdimuhamedow Hytaý Respublikasynyň Başlygy Si Szinpine Hytaýyň Kommunistik partiýasynyň Merkezi komitetiniň baş sekretary wezipesine onuň täzeden saýlanmagy mynasybetli gutlaglaryny iberdiler.
Türkmenistanyň Russiýa Federasiýasyndaky ilçisi Batyr Nyýazlyýew RF-nyň daşary işler ministriniň orunbasary Andreý Rudenko bilen ikitaraplaýyn turkmen-russiýa gatnaşyklarynyň ösüşiniň meselelerini ara alyp maslahatlaşdy – diýlip, Türkmenistanyň diplomatik wekilhanasynyň resmi saýtynda habar berilýär.
Prezident Serdar Berdimuhamedow Ahal welaýatynyň Bäherden etrabynyň häkimi Dörtguly Hojaýewy we Daşoguz welaýatynyň Ruhubelent etrabynyň häkimi Döwletmyrat Güjükowy eýeleýän wezipelerinden boşatdy.
Sebitdäki ähli meseleler parahatçylykly serişdeler, hoşniýetli goňşuçylyk, özara hormat goýmak we deňhukuklylyk ýörelgelerinde çözülmelidir diýip, Türkmenistanyň Prezidenti anna güni Aşgabatda Özbegistanyň Baştutany bilen geçirilen gepleşikleriň netijeleri boýunça metbugat beýanatynda aýtdy.
Soňky ýyllarda umumy syýasy erkiň kömegi bilen özbek-türkmen gatnaşyklarynyň düýbünden täze atmosferasyny döretmek we hyzmatdaşlyga strategiki häsiýet bermek mümkin boldy – diýip, Prezident Şawkat Mirziýoýew türkmen kärdeşi Serdar Berdimuhamedow bilen gepleşikler tamamlanandan soň KHBS üçin geçirilen brifingde aýtdy.
Prezidentler Serdar Berdimuhamedow we Şawkat Mirziýoýew strategik hyzmatdaşlygy çuňlaşdyrmak hakynda Jarnama gol çekdiler. Şeýle hem, gepleşikleriň netijeleri boýunça iki ýurduň hökümetleriniň we pudaklaýyn edaralarynyň arasynda ikitaraplaýyn resminamalara gol çekildi.
