Merkezi Aziýa ýurtlary bilen Hindistan döwletleriň arasyndaky gatnaşyklary pugtalandyrmagy maslahatlaşdylar
Merkezi Aziýa ýurtlary we Hindistan ykdysadyýetde, söwdada we medeniýetde, şeýle hem goranmak we howpsuzlyk ulgamynda hyzmatdaşlygy berkitmegiň geljegini ara alyp maslahatlaşdylar. Bu barada Hindistanyň milli howpsuzlyk geňeşçisi Ajit Dowalyň Merkezi Aziýaly kärdeşleri bilen geçiren duşuşygynyň netijesi boýunça «Ani» agentligi habar berýär.
Gepleşikleriň çäklerinde Hindistanyň Merkezi Aziýa ýurtlaryny Aziýanyň we Şanhaý Hyzmatdaşlyk Guramasynyň merkezi hökmünde görýändigi beýan edildi. Taraplar şeýle hem Hindistanyň Merkezi Aziýa bilen aragatnaşygyny gowulandyrmak üçin Eýranyň Çahbehar portunyň «Demirgazyk-Günorta» halkara ulag geçelgesine birleşdirilmegini ara alyp maslahatlaşdylar.
«Hindustan Times» gazetiniň habar bermegine görä, gepleşiklerde Türkmenistana ýurdumyzyň Hindistandaky ilçisi Şalar Geldinazarow wekilçilik etdi.
Duşuşyk «Merkezi Aziýa-Hindistan» gatnaşyklary boýunça dialogyň çäklerinde geçirildi, bu dialoga şu ýylyň ýanwar aýynda Hindistanyň premýer-ministriniň Merkezi Aziýa ýurtlarynyň prezidentleri bilen gepleşikleriniň jemleri boýunça itergi berlipdi.
ORIENT news
Surat: unsplash.com
