ABŞ-nyň Döwlet departamenti C5+1 platformasynyň çäklerinde Türkmenistan bilen hyzmatdaşlygy pugtalandyrmagy meýilleşdirýär
ABŞ-nyň Döwlet departamenti söwdany gowulandyrmak, suw we energiýa çeşmelerini dolandyrmak, şeýle hem howpsuzlygy güýçlendirmek maksady bilen, C5+1 görnüşi boýunça Türkmenistan bilen ikitaraplaýyn hyzmatdaşlygy giňeltmek isleýär. Bu barada ABŞ-nyň Döwlet departamentiniň metbugat gullugyna salgylanyp, «Trend» agentligi habar berýär.
Biz ýaşlary, ýagny geljekki telekeçileri we häzirki ýolbaşçylary, aýratyn hem zenanlary, Türkmenistanyň ähli raýatlarynyň durmuş derejesini ýokarlandyrmaga we türkmeniň baý medeni mirasyny dünýä arenasyna ýaýmaga gönükdirilen hünär we bilim maksatnamalaryny öňe sürmäge çekilmegine sabyrsyzlyk bilen garaşýarys – diýip, metbugat gullugynda bellediler.
C5+1, Merkezi Aziýanyň we Amerikanyň Birleşen Ştatlarynyň bäş döwletiniň arasyndaky hyzmatdaşlygyň umumy meselelerini çözmek üçin döredilen dialogydyr.
Ozal noýabr aýynyň başynda ABŞ-nyň Döwlet sekretarynyň Günorta we Merkezi Aziýa meseleleri boýunça kömekçisi Donald Lu Türkmenistana sapar bilen geldi.. Ol saparynyň dowamynda Türkmenistanyň Prezidenti Serdar Berdimuhamedow bilen dürli pudaklarda türkmen-amerikan hyzmatdaşlygynyň güýçlendirilmegi barada pikir alyşdy we ýurdumyzyň Daşary işler ministrliginde gepleşikler geçirdi.
ORIENT news
Surat: redaksiýanyň arhiwinden
