Bilimler we talyp ýaşlar gününde Prezident Serdar Berdimuhamedowyň gatnaşmagynda dabaraly açylan Türkmenistanyň Prezidentiniň ýanyndaky Döwlet gullugy akademiýasynyň täze binalar toplumy binagärlik we innowasiýa aýratynlygy taýdan halkara şahadatnamalaryň ikisine mynasyp boldy.
30-njy awgustda Aşgabatda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredowyň ýolbaşçylygynda Türkmenistanyň Hazar deňziniň meseleleri boýunça pudagara toparyň nobatdaky mejlisi geçirildi. Bu barada ýurdumyzyň daşary syýasat edarasy habar berýär.
Özbegistan Respublikasynyň Prezidenti Şawkat Mirziýoýew 30-njy awgustda Türkmenistanyň ilçisi Şadurdy Meredowdan ynanç hatlaryny kabul etdi.
Prezident Serdar Berdimuhamedow Gyrgyz Respublikasynyň Prezidenti Sadyr Žaparowa we ýurduň ähli doganlyk halkyna Garaşsyzlyk güni mynasybetli ýürekden gutlaglaryny hem-de iň gowy arzuwlaryny iberdi.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Gyrgyz Respublikasynyň Prezidenti Sadyr Žaparowa we ýurduň ähli halkyna Garaşsyzlyk güni mynasybetli ýürekden gutlaglaryny hem-de iň gowy arzuwlaryny iberdi.
Merkezi Aziýa döwletleriniň Baştutanlarynyň Konsultatia duşuşygyň netijeleri boýunça kabul edilmek üçin bäş resminamadan ybarat bukja taýýarlanýar. Olaryň esasysy Merkezi Aziýa döwletleriniň Baştutanlarynyň bilelikdäki beýannamasy bolar. Bu barada Täjigistanyň Daşary işler ministriniň orunbasary Sodik Imomi çarşenbe güni Täjigistan Respublikasynyň Daşary işler ministrliginde diplomatik korpusyň we habar beriş serişdeleriniň wekilleri üçin geçirilen brifingde aýtdy.
Türkmenistanyň Prezidenti Serdar Berdimuhamedow Belarus Respublikasynyň Prezidenti Aleksandr Lukaşenko doglan güni mynasybetli tüýs ýürekden gutlap, oňa tüýs ýürekden berk jan saglyk, uzak ömür, gujur-gaýrat hem-de maşgala bagtyýarlygyny arzuw etdi.
Türkmenistanyň wekiliýeti Russiýa Federasiýasynyň Tatarystan Respublikasynda geçirilýän Kazan ählumumy ýaşlar sammitine gatnaşýarlar. 28 – 30-njy awgustda geçirilýän sammitde häzirki zaman şertlerinde çagalary we ýaşlary terbiýelemekde däp bolan gymmatlyklaryň ähmiýetine bagyşlanar.
Azerbaýjan Respublikasynyň Prezidenti Ilham Aliýew ýurduň Türkmenistandaky diplomatik wekilhanasynyň ýolbaşçysy bolan Gasan Sultan oglu Zeýnalowy çagyrmak we onuň ýerine Gismet Fizuli ogly Gezalowy bellemek hakyndaky resminamalara gol çekdi.
Gyrgyzystan Republikasynyň paýtagty Bişkekde Birleşen Milletler Guramasynyň Neşe we jenaýatçylyk baradaky müdirliginiň hem-de Bütindünýä gümrük guramasynyň guramagynda gümrük gulluklaryň we port gözegçilik toparlaryň agzalary üçin gender deňligi meselesini işjeňleşdirmek boýunça sebitleýin okuw çäresi geçirildi. Bu barada Türkmenistanyň Döwlet gümrük gullugy habar berýär.
“Eksport-import amallary üçin bir penjire” ulgamynyň işini utgaşdyrmak boýunça Pudagara toparynyň nobatdaky mejlisi geçirildi. Oňa Pudagara toparyň düzümine girýän ministrlikleriň, pudaklaýyn dolandyryş edaralaryň we jemgyýetçilik birleşmeleriň ýolbaşçylary we jogapkär işgärleri gatnaşdylar.
ABŞ-nyň Kongres wekilleriniň palatasynyň wekiliýeti Aşgabada geldi. Myhmanlar saparyň çäginde duşenbe güni Türkmenistanyň Mejlisinde duşuşyk geçirdiler. Türkmen-amerikan özara gatnaşygyň esasy meseleleri ara alnyp maslahatlaşyldy, uly üns parlamentler arasy dialoga berildi.
Türkmenistanyň Prezidenti Serdar Berdimuhamedow Moldowa Respublikasynyň Prezidenti hanym Maýýa Sanduwa we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi.
Aba Annaýew adyndaky Halkara atçylyk akademiýasynda "Ahalteke atlary - parahatçylygyň ilçileri" ady bilen ÝUNESKO klubynyň döredilmegi şenbe güni geçirilen Türkmenistanyň Ministrler Kabinetiniň Başlygynyň orunbasary, Daşary işler ministri R.Meredowyň ýolbaşçylygynda ÝUNESKO-nyň işleri barada Türkmenistanyň Milli toparynyň nobatdaky mejlisiniň gün tertibinde esasy orun aldy.
Türkmenistanyň Prezidenti Serdar Berdimuhamedow Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Maliki bilen bolan duşuşygynda Palestinanyň ýurdumyz bilen geljekki hyzmatdaşlygy baradaky anyk tekliplerine garamaga taýýardygyny aýtdy.
