Wengriýanyň daşary işler ministri Peter Siýýarto 19-20-njy awgustda Türkmenistanyň Prezidentiniň Wengriýa saparyny amala aşyrjakdygyny habar berdi diýip, köpçülikleýin habar beriş serişdeleri ýokary wezipeli döwlet işgäriniň aýdanlaryna salgylanýarlar.
Türkmenistanyň Täjigistan Respublikasyndaky Adatdan daşary we doly ygtyýarly ilçisi Aýmyrat Goçmyradow türk kärdeşi bilen türkmen-türk hyzmatdaşlygynyň giň ugurlaryny ara alyp maslahatlaşdylar. Bu barada Türkmenistanyň Täjigistandaky ilçihanasy habar berýär.
Russiýa Federasiýanyň daşary işler ministri Sergeý Lawrow Türkmenistanyň, Gazagystanyň, Azerbaýjanyň we Eýranyň ilçileri bilen Hazarýaka döwletleriniň daşary işler ministrleriniň Moskwada geçiriljek duşuşygyna taýýarlyk meselelerini ara alyp maslahatlaşdy diýip, RF-iň DIM-niň metbugat gullugy habar berýär.
Türkmenistanyň Daşky gurşawy goramak ministri Çarygeldi Babanyýazow bilen Eýranyň daşky gurşawy goramak boýunça departamentiniň başlygynyň orunbasary Iradj Heşmati daşky gurşawy goramak we çölleşmäge garşy göreşmek boýunça bilelikdäki çäreler babatda ikitaraplaýyn hyzmatdaşlygyň meselelerini ara alyp maslahatlaşdylar diýip, Tehran Times habar berýär.
17-nji awgustda Türkmenistan Birleşen Milletler Guramasynyň Bilim, ylym we medeniýet meseleleri boýunça guramasyna (ÝUNESKO) agza bolmagynyň 30 ýyllygyny belleýär. Şanly sene mynasybetli Prezident Serdar Berdimuhamedow ÝUNESKO-nyň Baş direktory hanym Odre Azulä Türkmenistanyň bu gurama agza bolmagynyň 30 ýyllygy mynasybetli ýürekden gutlaglaryny we iň gowy arzuwlaryny iberdi we bilelikde köp işleriň ýerine ýetirilendigini, medeni we ynsanperwer ugurda, taryhy mirasy gorap saklamak babatynda oňyn tejribe toplanandygyny hatynda belledi.
Nebiti eksport edýän ýurtlaryň guramasy - OPEC Aşgabatda geçiriljek 25-27-nji oktýabr aralygynda Aşgabatda meýilleşdirilýän "Türkmenistanyň nebit we gazy" (OGT- 2023) 28-nji halkara konferensiýasyna gatnaşjakdygyny tassyklady.
Özbegistanyň Nukus şäherindäki “Panaev Farms” kärhanasynda koronawirus ýokanjyny zyýansyzlandyrýan süýt önümçiligi ýola goýuldy. Özbegistanyň Milli habarlar agentliginiň mälim etmegine görä, bu täsin oýap tapyş we önümçilik 2021-nji ýylda Wena lukmançylyk uniwersiteti bilen hyzmatdaşlykda Halkara molekulýar allergologiýa merkezinde geçirilen ylmy barlaglar esasynda ýola goýuldy.
Hormatly Prezidentimiz Serdar Berdimuhamedow Birleşen Milletler Guramasynyň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy wezipesine täze bellenen Kaha Imnadzeni kabul etdi.
Hazar deňziniň güni mynasybetli Hazar ýurtlarynyň, halkara we sebit guramalarynyň ilçileriniň we diplomatlarynyň we bilermenleriň gatnaşmagynda Türkmenistanda çäreler geçirmek – bu diňe bir däp däl. Bu, häzirki wagtda içerki we daşary syýasatynyň ileri tutulýan ugurlaryndan biri bolan Hazar deňziniň meselelerine Türkmenistanyň berýän ähmiýetiniň we ünsüniň subutnamasydyr. Bu barada wise-premýär, Daşary işler ministri Raşid Meredow 12-nji awgustda Awazada Hazar deňzi boýunça geçirilen halkara konferensiýada eden çykyşynda aýtdy.
Prezidentimiz Serdar Berdimuhamedowyň karary bilen Tbiliside rezidensiýasy bilen Türkmenistanyň Gruziýada täze ilçisi bellendi. Ol wezipa döwlet Baştutanymyzyň başga bir karary bilen adatdan daşary we doly ygtyýarly ilçisi diplomatik derejesi berlen Döwletmyrat Seýitmämmedow bellendi.
11-nji awgustda Türkmenistan bilen Indoneziýanyň daşary syýasat edaralarynyň arasynda sanly ulgam arkaly ikitaraplaýyn geňeşmeler geçirildi diýip Türkmenistanyň DIM-niň resmi saýty habar berýär.
Türkmenistanyň ilçisi Batyr Rejepow “TRT” türk teleýaýlymynyň Gazagystan Respublikasyndaky wekilhanasynyň direktory Mehmed Çalyşkin bilen Astana şäherinde bolan duşuşygynda media ulgamynda özara hyzmatdaşlygyň geljegi ara alnyp maslahatlaşyldy.
Türkmen halkynyň Milli Lideri Gurbanguly Berdimuhamedowyň başlangyjy bilen geçirilen Türkmenistanyň, Täjigistanyň we Özbegistanyň Baştutanlarynyň sammiti sebitde döwletara hyzmatdaşlygynyň ösdürilmegine täze itergi berer.
8-nji awgustdan 28-nji oktýabra çenli döwürde Aşgabat – Moskwa – Aşgabat ugry boýunça uçuşlaryň wagtlaýyn ýatyrylandygy sebäpli, “Türkmenistan” awiakompaniýasy Kazan şäherinden Aşgabada uçuşlaryň tertibine üýtgeşme girizdi. Bu barada awiakompaniýanyň Russiýadaky şahamçasy habar berýär.
Türkmenistanyň, Täjigistanyň we Özbegistanyň Prezidentleri şu gün, 4-nji awgustda Aşgabatda geçirilen üçtaraplaýyn sammitiň giňişleýin gün tertibiniň çäginde suw serişdeleri we howa pudagyndaky hyzmatdaşlygy ara alyp maslahatlaşdylar.
