Biz ýakynlaşmagy ugur edinýäris

ISH NOKADY bilim merkeziniň hünär ugruna gönükdirilen maksatnamalarynyň arasynda öňdebaryjy IT NOKADY platformasy bar. Bu maksatnama çagalar, ýetginjekler we uly ýaşlylar üçin niýetlenendir. Onuň kömegi bilen häzirki zaman tehnologiýalaryny, robototehnikany we emeli aňy öwrenmek bolýar. Bu ýerde tejribeli mugallymlar okuw we şahsy ösüş üçin amatly gurşawy döredýärler.

Biz ylym we tehnologiýa açyşlarynyň döwründe ýaşaýarys we geljegiň ösüşleriniň göni şaýady bolýarys. Häzirki, 2025-nji ýyl Türkmenistanyň Prezidentiniň başlangyjy bilen BMG-niň Baş Assambleýasy tarapyndan Halkara parahatçylyk we ynanyşmak ýyly diýlip yglan edildi. Bu bolsa ýurdumyzyň innowasiýalara we halkara hyzmatdaşlygyna ygrarlylygyny görkezýär.

IT NOKADY ýaly taslamalar, ýaş nesle düýn entek hyýaly hasaplanan kompýuter tehnologiýalaryny, emeli aňy we robototehnikany öwrenmäge mümkinçilik berýär. Şeýlelikde, täze eýýamyň hünärmenleriniň täze nesliniň kemala gelmegine esas döredilýär.

Mysal hökmünde Rahym Hudaýgulyýewi alyp bolar. Ol tehniki bilimi bolmazdan, IT ulgamyna uly gyzyklanma bildirip, okuwlary üstünlikli tamamlady. Birnäçe hepdäniň dowamynda ilkinji web sahypasyny döretdi. Okuw tamamlanýança, onuň eýýäm birnäçe gutarnykly taslamasy bardy.

– "Bu okuw maňa öz güýjüme ynanmaga we ilkinji taslamalarymy döretmäge ýardam etdi. Merkeziň hünärmenleri hemişe ýanymda bolup, maslahat berdiler we höweslendirdiler. Indi men geljege ynam bilen garaýaryn we eýýäm frilanser hökmünde taslamalaryň üstünde işleýärin" – diýip, Rahym Malaýziýa bilim edarasyna okamaga gidip barýarka aýtdy.

IT NOKADY-nyň şygary – “Geljek biziňki!” – diýip, Merkeziň esasy maksadyny beýan edýär: ýaşlara we uly ýaşlylara diňe öwrenmäge däl, eýsem ýokary tehnologiýalaryň kömegi bilen ertirki gününi döretmäge ýardam bermek.

7-nji oktýabrdan Frontend ösüşi boýunça täze okuw başlanýar – bu okuwda web sahypalarynyň we programma üpjünçiliginiň daşky görnüşini döretmek öwredilýär.

Okuwda programmirlemegiň esaslaryny (HTML, CSS, JavaScript), şeýle-de çylşyrymly web taslamalary üçin niýetlenen freýmworklary we dürli enjamlar üçin awtomatiki uýgunlaşma tehnologiýasyny (adaptatiw dizaýn) öwredýärler.

Tejribeli mugallymlar basgançaklaýyn täze hünäri ele almaga we IT pudagynda ýa-da frilanser hökmünde üstünlikli iş alyp barmaga ýardam ederler.

Enejan KEPBANOWA

Foto: ISH NOKADY