Biz ýakynlaşmagy ugur edinýäris

Hazarüsti optik süýümli kabel liniýasynyň taslamasyny durmuşa geçirmegiň çäklerinde möhüm resminama gol çekildi. Bu resminama Hazar deňziniň düýbünden optik süýümli aragatnaşyk liniýalaryny döretmek baradaky ylalaşygy tassyklaýar diýip, AZERTAJ habar berýär.

Azerbaýjanyň we Gazagystanyň premýer-ministrleri Ali Asadow we Olžas Bektenow, şeýle hem AzerTelecom we Kazakhtelecom kompaniýalaryň ýolbaşçylary Emil Masimow we Bagdat Musin öz gollaryny çekdiler.

Hazarüsti optik süýümli kabel liniýasynyň taslamasy has giň “Sanly Ýüpek ýoly” başlangyjyň bir bölegi bolup, Azerbaýjanyň üsti bilen Ýewropanyň we Aziýanyň arasynda ýokary tizlikli sanly geçelgesini döretmäge gönükdirilen.

Hazar deňziniň düýbi boýunça 380 km uzynlykdaky optik süýümli aragatnaşyk liniýasy dürli ýurtlaryň, şol sanda Azerbaýjanyň, Gruziýanyň, Türkiýäniň, Gazagystanyň we Türkmenistanyň çäklerinden geçip, ýokary tizlikli geçirijiligi, şeýle hem 400 terabit/s ýokary tizlikli Internet-birikmesini üpjün eder.

Gurluşyk birnäçe tapgyrda amala aşyrylar, şol sanda kenarýaka ýerleriň we deňiz düýbüniň bahalandyrylmagy, ýokary hilli durnukly kabelleriň taslamalaşdyrylmagy we önümçiligi hem-de olaryň geçirilmegi we gurnalmagy amala aşyrylar. AzerTelecom we Kazakhtelecom gurluşygy 2026-njy ýylyň ahyryna çenli tamamlamagy meýilleşdirýärler.

ORIENT news

Foto: azertag.az