Biz ýakynlaşmagy ugur edinýäris

Hormatly Prezidentimiziň parasatly ýolbaşçylygynda «Halkara parahatçylyk we ynanyşmak ýylynda» «Türkmenaragatnaşyk» agentligi sanly hyzmatlaryň täzeçilliklerini artdyrmak boýunça aýdyň maksatlary öňünde goýýar.

«Türkmenaragatnaşyk» agentligi tarapyndan ýola goýulan e.gov.tm Türkmenistanyň Döwlet hyzmatlarynyň bitewi portaly hem-de onuň mobil goşundysy ýurdumyzyň ministrlikleriniň, pudaklaýyn dolandyryş edaralarynyň, welaýat we Aşgabat şäher häkimlikleriniň hyzmatlaryny «bir penjirede» ýerleşdirýär.

Bitewi portal raýatlaryň durmuş-jemgyýetçilik işlerini ýöretmeklerinde köp amatlyklary döredýär. Şonuň bilen baglylykda, e.gov.tm Döwlet hyzmatlary portalynyň ulanyjylarynyň sany günsaýyn artýar.

Bu portalda resminamalary hasaba almak we hasabyny ýöretmek işlerine we kiberhowpsuzlyk talaplaryna ýokary derejede gözegçilik edilýär.

Türkmen we rus dillerinde elýeterli bolup, amatly interfeýsli we mobil goşundyly bu portal raýatlaryň döwlet edaralary bilen aragatnaşygyny ep-esli ýeňilleşdirýär.

ORIENT news

Foto: e.gov.tm