Biz ýakynlaşmagy ugur edinýäris

Türkmenistanyň mekdep okuwçylary Astanada tamamlanan “IZhO 2025” Matematika, fizika we informatika boýunça XXI Halkara Žautykow olimpiadasynda 2 altyn medala, 4 kümüş we 6 bürünç medallara eýe boldylar.

Medala eýe bolanlar:

Matematika:

1. Hamza Allaberdiýew (135-nji ýöriteleşdirilen mekdebiniň 12-nji snyp okuwçysy, iňlis dili) – altyn medal.

2. Agamyradow Rahym (86-njy ýöriteleşdirilen mekdebiniň 12-nji snyp okuwçysy, iňlis dili, himiýa we bilogiýa) – kümüş medal.

3. Babageldiýew Maksat (135-nji ýöriteleşdirilen mekdebiniň 12-nji snyp okuwçysy, iňlis dili) – kümüş medal.

4. Akmyradow Begenç (49-njy ýöriteleşdirilen mekdebiniň 11-nji snyp okuwçysy, matematika we iňlis dili) – kümüş medal.

5. Meýlismyradow Mälikşa (86-njy ýöriteleşdirilen mekdebiniň 11-nji snyp okuwçysy, iňlis dili, himiýa we bilolgiýa) – bürünç medal.

6. Hojanyýazow Sanjar (86-njy ýöriteleşdirilen mekdebiniň 11-nji synp okuwçysy, iňlis dili, himiýa we biologiýa) – bürünç medal.

7. Işanmyradow Begli (86-njy ýöriteleşdirilen mekdebiniň 11-nji synp okuwçysy, iňlis dili, himýa we biologiýa) – bürünç medal.

8. Ruslanow Mirat (97-nji ýöriteleşdirilen mekdebiniň 10-njy synp okuwçysy, dil dersleri) – bürünç medal.

9. Hudaýberenow Hudaýguly (Saparmyrat Türkmenbaşy adyndaky ýöriteleşdirilen mekdebiniň 11-nji synp okuwçysy) – bürünç medal.

Fizika:

1. Nuryýew Jumadurdy (Saparmyrat Türkmenbaşy adyndaky ýöriteleşdirilen mekdebiniň 12-nji synp okuwçysy) – altyn medal.

2. Annamyradow Döwlet (Mary welaýatynyň Sakarçäge etrabynyň 43-nji orta mekdebiniň 12-nji synp okuwçysy) – kümüş medal.

Informatika:

1. Amanmyradow Yhlas (86-njy ýöriteleşdirilen mekdebiniň 11-nji synp okwçysy, iňlis dili, himiýa we biologiýa) – bürünç medal.

Şu ýyl Türkmenistanyň adyndan 21 zehinli mekdep okuwçysy gatnaşdy.

Olimpiada 15 ýurtdan, şol sanda Gazagystandan, Gyrgyzystandan, Özbegistandan, Täjigistandan, Russiýadan, Belarusdan, Ermenistandan, Azerbaýjandan, Türkiýeden, Gruziýadan, Bolgariýadan, Rumyniýadan, Serbiýadan we Mongoliýadan 700-e golaý mekdep okuwçysy we 150 ýolbaşçy gatnaşdy.

Halkara Žautykow olimpiadasy 2005-nji ýyldan bäri Gazagystanyň Magaryf ministrliginiň ýolbaşçylygynda Respublikanyň “Daryn” ylmy-tejribeçilik merkezi hem-de Respublikanyň fizika-matematika mekdebi bilen hyzmatdaşlykda geçirilýär. Onuň maksady mekdep okuwçylarynyň arasynda fizik-matematika ylymlaryny ýaýbaňlandyrmakdan, dürli ýurtlaryň ýöriteleşdirilen mekdepleriniň arasynda dostlukly özara gatnaşygy ýola goýmakdan we tejribe alyşmakdan ybarat.

Olimpiada bäş günüň dowamynda geçirilip, iki tapgyrdan ybarat boldy. Ýumuşlar halkara eminler tarapyndan taýýarlandy.

Ýeňijiler altyn, kümüş we bürünç medallar bilen sylaglandylar, ähli gatnaşyjylara bolsa şahadatnama we ýadygärlik sowgatlar berildi.

ORIENT news

Şeýle-de okaň: Türkmen mekdep okuwçylary Matematika, fizika we informatika boýunça Halkara Žautyk olimpiadasyna gatnaşýarlar

Foto: education.gov.tm