Biz ýakynlaşmagy ugur edinýäris

Çagalaryň arasynda geçirilen “Garaşsyzlygyň merjen däneleri – 2024” zehin bäsleşiginiň ýeňijileri kesgitlenildi.

Habar bermegine görä Türkmenistanyň Bilim ministrligi, bu bäsleşik Türkmenistanyň Prezidentiniň “Türkmeniň Altyn asyry” baýragyny almak ugrundaky bäsleşigiň çäklerinde gurnaldy we ýurdyň Garaşsyzlygynyň 33 ýyllyk baýramyna bagyşlandy.

Çagalaryň aýdym-saz bäsleşiginiň jemleýji tapgyryna çenli, ýurduň etraplarynda, şäherlerinde hem-de welaýatlarynda giň gerimli seçip alyş tapgyrlary geçirildi.

Jemleýji tapgyrda ýaşajyk zehinli aýdymçylar duşuşdy we aýdym-saz bäsleşiginde birinji orun üçin bäsleşdiler. Jemleýji tapgyra gatnaşyjylary sylaglamak dabarasy we bu döredijilik bäsleşige gatnaşýan zehinli aýdymçylaryň gatnaşmagyndaky konsert, Ahal welaýatynyň Nowruz ýaýlasyndaky “Türkmeniň ak öýi” binasynda geçirildi.

Ýeňiji bolanlara diplomlar hem-de Türkmenistanyň Prezidentiniň adyndan sowgatlar gowşuryldy:

Arslan Igliýew – Aşgabat şäherindäki umumybilim berýän 1-nji orta mekdebiň okuwçysy;

Perhat Babaýew – Arkadag şäherindäki ýöriteleşdirilen umumybilim berýän 3-nji orta mekdebiň okuwçysy;

Ogulşat Begpolodowa – Ahal welaýatynyň Kaka etrabyndaky ýöriteleşdirilen umumybilim 26-njy orta mekdebiň okuwçysy;

Aýhan Serdarow – Balkan welaýatynyň Türkmenbaşy şäherindäki umumybilim 4-nji orta mekdebiň okuwçysy;

Gülzada Ataýewa – Daşoguz welaýatynyň Boldumsaz etrabyndaky umumybilim 59-njy orta mekdebiň okuwçysy;

Merjen Abaýewa – Lebap welaýatynyň Dänew etrabyndaky ýöriteleşdirilen umumybilim 17-nji orta mekdebiň okuwçysy;

Eziz Ýazgeldiýew – Mary welaýatynyň Tagtabazar etrabyndaky umumybilim 1-nji orta mekdebiň okuwçysy.

ORIENT news

Foto: education.gov.tm