Ýewropa Bileleşiginiň Türkmenistandaky wekilhanasy, isleg bildirýän toparlary 2023-nji ýylyň 10-njy dekabrynda geçiriljek «Winter Cup 2023» atly intellektual ýaryşa gatnaşmaga çagyrýar.

Bäsleşige diňe öňünden hasaba alnan toparlar gatnaşyp bilerler!

Hasaba alynmak üçin dekabr aýynyň 7-ne, sagat 18:00-a çenli onlaýn formany doldurmaly.

Bäsleşige gatnaşmak tölegsiz! Ýerler çäklidir!

Ýaryşda toparlar 24 soragda (hersi 12 soragdan ybarat iki tapgyrda) biri-biri bilen bäsleşer, netijelerine görä iň gowy 2 topar finala çykar we şol ýerde ýaryşyň çempiony bolmak ugrunda bäsleşerler. Galan toparlar 3-nji ýer we ondan soňky ýerler ugrundaky göreşde soňky soraglarda oýnamagyny dowam etdirerler. Finalda oýun 6 utuga çenli dowam eder.

Bu çäre, Adam hukuklary gününe we Adam hukuklarynyň Ähliumumy Jarnamasynyň kabul edilmeginiň 75 ýyllygyna bagyşlanýar. Bäsleşik türkmen we rus dillerinde geçiriler. Ýaş çäklendirmeleri ýok. Her topar sekiz adamdan ybarat bolmaly: 6 sany esasy oýunçy we 2 sany ätiýaçdaky oýunçylar.

Ýaryşyň başlanýan wagty: 2023-nji ýylyň 10-njy dekabry, sagat 13:00-da (hasaba alnyşyk 12:00-da başlaýar).

Geçiriljek ýeri: «Angar» resto-kluby Salgysy: Arçabil şaýoly 41 («ABM» biznes-merkezi).

ORIENT news