Gyrgyz Respublikasynyň Ministrler Kabinetiniň Başlygy Akylbek Žaparow Koreýa Respublikasynyň Milli Assambleýasynyň Başlygynyň orunbasary Çong U Tek bilen geçiren duşuşygynda ýurtda “Hyundai” we “Kia” kompaniýalarynyň önümçilik kärhanalaryny açmagy teklip etdi.
Seulda saparda bolýan, türkmen hökümetinde energetika, gurluşyk we senagat pudaklaryna gözegçilik edýän wise-premýer Baýmyrat Annamämmedow 17-nji iýulda Koreýa Respublikasynyň premýer-ministri Han Dok Su bilen duşuşdy- diýip, koreý KHBS habar berýär.
Demirgazyk-Kawkaz federal uniwersitetiniň we Russiýanyň Ylymlar akademiýasynyň Ulgamlaýyn programmirleme institutynyň alymlary Koreýa Respublikasyndan, Meksikadan we Urugwaýdan bolan kärdeşleri bilen “akylly” şäher üçin ynamdar programma protokolyny işläp düzdüler.
Belgiýa Patyşalygynda Ýewropanyň we Merkezi Aziýanyň arasynda durnukly ulag gatnaşyklaryna degişli meseleler ara alnyp maslahatlaşyldy.
Türkmen türgenleri 13-nji iýuldan 16-njy iýul aralygynda Astanada (Gazagystan) geçen guşakly göreş boýunça dünýä birinjiliginde üçünji umumytopar ýerini eýelediler. Ýaryşlara 30 ýurduň pälwanlary gatnaşdylar.
Ýekşenbe güni, 16-njy iýulda Kabulda ýüzlerçe ýerli täjirleri, iri we kiçi owgan kompaniýalarynyň wekilleriniň gatnaşmagynda halkara sergi ýarmarkasy açyldy. Mundan başga-da, Eýrandan, Türkmenistandan, Türkiýeden, Pakistandan we beýleki ýurtlardan gelen senagatçylar önümlerini sergide hödürlediler diýip, TOLOnews habar berýär.
Daşkende, 15-nji we 16-njy iýulda geçirilen mekdep okuwçylarynyň arasynda 17-nji Aziýa küşt çempionatynda klassiki wagt düzgünleri bilen ýaryşlaryň ilkinji dört tapgyry geçirildi.
Adamzadyň iň oňat akyllary global ýylylygyň öňüni almagyň ýoluny gözleýärler we olaryň biri – Dewisdäki Kaliforniýa uniwersitetiniň elektrotehnika we kompýuter inženerliginiň professory Jeremi Mundeý has ýönekeý, ýöne gaty jedelli usuly teklip etdi. Alymyň pikiriçe, global ýylylygyň öňüni almak üçin ýer ýüzüniň takmynan 2 göterimini ak reňk bilen boýamak zerur.
Türkmenistanyň halk artisti Babasary Annamyradow hakda kärdeşleri «Kämil dünýäniň aýdymçysy» aýdýarlar. Onuň döredijilik ýoly sazlaşygyň yzygiderli gözlegidir. Özboluşly ýygyndyda seresaplylyk we çynlakaýlyk bilen toplanan öwüşgünleri we şöhleleri, bu günler Moskwanyň Gündogar muzeýinde heýkeltaraşyň şahsy sergisine gelýänlere ajaýyp ýylylyk berýär.
“Talyban” hereketi tarapyndan esaslandyrylan Owganystanyň wagtlaýyn hökümetiniň Daşary işler ministri Amir Han Mottaki Kabulda Russiýanyň ilçisi Dmitriý Žirnow bilen duşuşdy. Bu barada TASS şenbe güni TOLOnews teleýaýlymyna salgylanmak bilen habar berdi.
Wernadskiý prospektindäki Uly Moskwa döwlet sirkiniň rus artistleriniň we Swetnoý bulwaryndaky Moskwanyň Nikulin sirkiniň Türkmenistanda çykyşlary dowam edýär. Olar çykyşlaryna iýun aýynyň ahyrynda dabaraly ýagdaýda açylan Arkadag şäheriniň täze sirkinde başladylar we häzir bolsa Aşgabatda çykyş edýärler.
Döwlet ähmiýetli Arkadag şäheriniň açylyşy mynasybetli çäreleri beýan etmek üçin Türkmenistana akkreditasiýa boýunça Azerbaýjandan, Ermenistandan, Belgiýadan, Wengriýadan, Gruziýadan, Hindistandan, Eýrandan, Hytaýdan, Gyrgyzystandan, Russiýadan, Rumyniýadan, Täjigistandan, Türkiýeden, Özbegistandan, Fransiýadan we Ýaponiýadan 29 sany halkara maglumat agentlikleriniň, teleýaýlym we internet portalynyň wekilleri geldiler. Olaryň arasynda – «Россия-24», «Большая Азия», «CCTV», «TRT World», «TV Jahonnomo», «NHK», «Doordarshan», «Общественное телевидение Армении», «Uzbekistan-24», «Magyar Televizio», «KTRK» teleýaýlymlary, «France-Presse», «Xinhua», «IRNA», «Тренд», «Agerpress», «News Day Georgia», «Татар-информ» maglumat agentlikleri we beýlekiler bar. Şeýle hem olaryň arasynda «SNG.Today» neşiriniň žurnalistleri we и «МИР» Döwletara teleýaýlym we radio kompaniýasynyň iş topary bar.
Şenbe güni Aşgabatda geçirilen Daşary işler ministrliginiň arasyndaky geňeşmelerde Türkmenistan bilen Täjigistanyň arasynda syýasy, diplomatik, söwda, ykdysady, medeni we ynsanperwer ugurlar boýunça strategiki hyzmatdaşlygyň mowzugy agdyklyk etdi. Gepleşikleri Türkmenistanyň Daşary işler ministri Raşid Meredow we türkmen paýtagtyna gelen Täjigistan Respublikasynyň wekiliýetine ýolbaşçylyk edýän Täjigistanyň Daşary işler edarasynyň başlygy Sirojiddin Muhriddin geçirdiler.
Şu gün – 15-nji iýulda Türkiýäniň Türkmenistandaky ilçihanasynyň medeniýet bölüminiň guramagynda çäre geçirildi. Türkiýäniň Demokratiýa we milli birlik gününe bagyşlanan çärä diplomatik wekilhanalaryň we köpçülikleýin habar beriş serişdeleriniň wekilleri gatnaşdylar.
Prezident Serdar Berdimuhamedow halkara tejribeden ugur alyp, býujet-salgyt ulgamyny döwrebaplaşdyrmak, sanly tehnologiýalary ulanmak arkaly ýurdumyzda “elektron salgyt” ulgamyny doly işe girizmegi çaltlandyrmagy degişli ýolbaşçylara tabşyrdy.
