Demirgazyk Makedoniýanyň DIM: ÝHHG-nyň başlygy Türkmenistana sapary amala aşyrar
ÝHHG-nyň sekretary, Demirgazyk Makedoniýanyň Daşary işler ministri Buýar Osmani Merkezi Aziýa ýurtlaryna saparyny dowam etdirýär. Şu ýylyň awgust aýynda Özbegistana we Gazagystana eden saparyndan soň Osmani Gyrgyzystana iki günlük sapary amala aşyrar we indiki hepde onuň Türkmenistana baryp görmegine garaşylýar diýip, press24.mk Makedoniýanyň Daşary işler ministrligine salgylanýar.
Bişkekde bolan döwründe Prezident Sadyr Žaparow, Daşary işler ministri Žeenbek Kulubaýew we Mejlisiň başlygy Nurlanbek Şakiýew, ÝHHG Maksatnamasynyň wekilleri, ÝB we Gyrgyzystanyň raýat jemgyýeti guramalary bilen duşuşyklar meýilleşdirilýär. Habarda Türkmenistana saparyň meýilnamasy barada jikme-jiklik görkezilmeýär.
Şu ýylyň iýun aýynda Aşgabatda ÝHHG merkeziniň täze ofisi açyldy. Dabara Ýewropadaky Howpsuzlyk we Hyzmatdaşlyk Guramasynyň Baş sekretary Helga Şmidtiň gatnaşmagynda geçirildi.
ORIENT news
