Şu ýylyň 7 aýynda Türkmenistanyň Energetika ministrligi boýunça öndürilen önümleriň, ýerine ýetirilen işleriň we hyzmatlaryň meýilnamasy 112,9 göterim berjaý edildi.
Döwlet haryt-çig mal biržasynyň işine sanly ulgamy ornaşdyrmak boýunça işleri çaltlandyrmak, eksport we import şertnamalaryny biržada bellige almagyň tertibi, baha emele getirmegiň usulyny kämilleşdirmek möhümdir.
Türkmenistanyň Ministrler Kabinetiniň Başlygynyň orunbasary Batyr Atdaýew Dokma senagaty ministrligine degişli kärhanalarda önümçiligiň artandygy barada 25-nji awgustda şu ýylyň geçen 7 aýynda ýerine ýetirilen işleriň jemlerine bagyşlanyp geçirilen Hökümet mejlisinde habar berdi.
Ministrler Kabinetiniň Başlygynyň medeniýet we köpçülikleýin habar beriş serişdeleri boýunça wise-premýeri Mährijemal Mämmedowa sentýabr aýynda geçiriljek medeni çäreler we Garaşsyzlyk baýramy mynasybetli jemi jemlenjek dürli bäsleşikler barada hasabat berdi.
Wise-premýer Batyr Amanow anna güni Türkmenistan Ministrler Kabinetiniň mejlisinde ýangyç we energetika toplumynyň şu ýylyň ýedi aýyndaky işi barada hasabat berdi.
Wise-premýer, Daşary işler ministri Raşid Meredow anna güni geçirilen hökümet mejlisinde Türkmenistanda syýahatçylygy we sergi çärelerini ösdürmäge gönükdirilen işler baradaky resminamanyň taslamasyny döwlet Baştutanyna hödürledi.
2023-nji ýylyň ýanwar-iýul aýlarynda Türkmenistanyň jemi içerki önüminiň ösüşi 6,2 göterime deň boldy. Bu döwürde ýurdumyzda geçen ýylyň ilkinji ýedi aýy bilen deňeşdirilende 6,3 göterim köp önüm öndürdi. Ýurdumyzda bölek haryt dolanyşygynyň mukdary esasy derejeden 9,4 göterimden, daşary söwda 4,9 göterimden ýokary boldy. Şeýle görkezijiler barada wise-premýer Hajymyrat Geldimyradow anna güni türkmen hökümetiniň mejlisinde habar berdi.
Türkmen hökümetiniň mejlisinde döwlet Baştutanymyz 2000 orunlyk goşmaça okuw binasynyň we Türkmenistanyň Döwlet energetika instituty üçin 800 orunlyk umumy ýaşaýyş jaýynyň taslamalaşdyrylmagy we gurluşygy, şeýle hem ýapyk sport desgasynyň we uniwersitetiň gapdalyndaky aýlaw ýolda ýadygärligiň gurluşygy barada Karara gol çekdi.
OPEK guramasynyň agzasy Yrak Türkmenistandan tebigy gaz import etmek boýunça ylalaşyklaryň ilkinjisini gazandy. Yrak döwletiniň nebit we gaz ministri Ezzat Saberiň sözlerine görä, ýurduň nebit we energetika ministrlikleriniň wekilleriniň Türkmenistanyň degişli ministrlikleriniň ýolbaşçylary bilen Aşgabatda geçiren duşuşyklarynda bu ylalaşyga gelindi.
Degişli Karara Prezidentimiz Serdar Berdimuhamedow gol çekdi. Resminama laýyklykda, Ajaýyp-gurluşyk hususy kärhanasy taslamany taýýarlar we binagärlik we gurluşyk instituty üçin 5000 orunlyk täze binalar toplumyny gurar. Bu ýerde geljekki binagärler, inženeler, tehnologlar, ykdysatçylar we şäher gurluşyk pudagyndaky menejerler hünär alarlar.
Indoneziýanyň paýtagtyndaky döwlet işgärleriniň ýarysyndan gowragy öýünde işläp başlady. Jakartanyň häkimiýetleri şäher ýollarynda dyknyşyklary gysgaltmak we şoňa görä-de howanyň has-da hapalanmagyny azaltmak üçin şeýle adaty bolmadyk çäreleri gördüler diýip, CNN habar berýär.
Maglumat akymy, fon sesleri we adamlar bilen dolan we aşa ýüklenen dünýäde sesiňiziň eşidilmegi üçin näme etmeli? Ünsiň azalýan döwürde, töweregindäkileri gyzyklandyrýän we sizi pikirlenmäge hem-de öz durmuşyňyzy üýtgetmäge ruhlandyryp biljek hekaýany nädip gürrüň bermeli? Bu mowzuklar, dürli hünärmelerden, şol sanda milli köpçülikleýin habar beriş serişdeleri, ýaş erkin žurnalistler we sosýal ulgamlarda pikirleriniň liderlerinden düzülen topar tarapyndan Aşgabatda ÝUNISEF-iň Türkmenistandaky wekilhanasynyň gurnan köp platformaly sanly beýan etme boýunça üç günlük seminarda ara alnyp maslahatlaşyldy.
Türkmenistanyň Özbegistandaky täze bellenen ilçisi Şadurdy Meredow Özbegistanyň daşary işler ministri Bahtiýor Saidow bilen duşuşdy. Bu barada özbek ministriniň telegam kanalynda habar berilýär.
40 tonna ynsanperwerlik ýüki özünde jemlän ýük uçary Russiýa Federasiýasynyň Primorskiý kraý sebitiniň howa menizline bardy. Türkmenistandan iberilen ynsanperwerlik ýüki bu sebitiň birinji wise-gubernatory, hökümet ýolbaşçysy Wera Şerbina we beýleki resmiler garşyladylar.
At münmek boýunça dünýä çempionaty anna güni Moskwanyň MÝGS-de milli atçylyk däpleri merkeziniň taryhy aýlawynda başlandy. Iki gün dowam etjek ýaryşa - Russiýa, Belarus, Indoneziýa, Gazagystan, Mongoliýa, Pakistan, Saud Arabystany, Türkiýe we Fransiýa ýaly 9 ýurtdan çapyksuwarlar gatnaşýar. Üç adamdan ybarat topar ýa-da aýratyn ýaryşda bir wekil söweş meýdanyna çykar diýip, MYGS-niň metbugat merkezniň habarynda aýdylýar.
