Astanada TDG-niň daşary işler ministrleriniň geňeşiniň mejlisi geçirildi
Türki Döwletleri Guramasynyň (TDG) 10 ýyllyk sammitiniň öňüsyrasynda Astanada TDG-niň daşary işler ministrleriniň geňeşiniň 10-njy mejlisi geçirildi.
Bu mejlise Azerbaýjanyň, Gazagystanyň, Gyrgyzystanyň, Türkiýäniň, Özbegistanyň, Wengriýanyň we Türkmenistanyň, daşary syýasat edaralarynyň ýolbaşçylary şeýle hem, TDG-niň, TürkPA-nyň we TÜRKSOÝ-yň baş sekretarlary, Türki akademiýasynyň, Türki medeniýeti we mirasy gaznasynyň, Türki maýa goýum gaznasynyň ýolbaşçylary we TDG-niň Ýaşulular geňeşiniň başlygy gatnaşdylar.
Duşuşyga gatnaşyjylar TDG-niň döwlet Baştutanlarynyň ýakyn wagtda geçiriljek sammitine taýýarlyk meselelerini ara alyp maslahatlaşdylar we bu çäräniň dowamynda gol çekilmegi meýilleşdirilýän resminamalaryň gutarnykly taslamasyny tassykladylar.
Türk Döwletleriň Guramasy 2009-njy ýylda Nahçywan (Azerbaýjan) şäherinde döredildi. TDG-niň Sekretariaty Stambulda (Türkiye) ýerleşýär. Häzirki wagtda bu gurama Azerbaýjan, Gazagystan, Gyrgyzystan, Türkiýe we Özbegistan girýär. Wengriýa bilen Türkmenistanda synçy statusy bardyr.
ORIENT news
