Türkmenistan we Hytaý söwda-ykdysady hyzmatdaşlygyny işjeňleşdirýär
Türkmenistanyň Söwda we daşary ykdysady aragatnaşyklar ministriniň orunbasary Kerimberdi Kurbanow Hyzmatdaşlyk boýunça türkmen-hytaý Hökümetara komitetiniň söwda-ykdysady hyzmatdaşlyk boýunça kiçi komitetiniň 8-nji mejlisine gatnaşmak maksady bilen Hytaýda iş saparynda boldy.
Hytaý Halk Respublikasynyň söwda ministrliginde geçirilen duşuşykda Kerimberdi Kurbanow hytaýly kärdeşleri bilen ikitaraplaýyn söwda-ykdysady hyzmatdaşlygy durnukly ösdürmegiň ugurlaryny, maýa goýumy höweslendirmek, şeýle Türkmenistan bilen Hytaýyň arasyndaky özara bähbitli ulgamlardaky hyzmatdaşlygy giňeltmegiň mümkinçiliklerini ara alyp maslahatlaşdy. Mundan başga-da, taraplar Hyzmatdaşlyk boýunça türkmen-hytaý Hökümetara komitetiniň noýabr aýynda Aşgabatda geçiriljek 6-njy mejlisiniň taýýarlyk işlerine garadylar.
Duşuşygyň jemleri boýunça degişli Teswirnama taýýarlanyldy.
ORIENT news
