Ýer titremesi özüniň giň ýaýraýyş gerimi we möçberi bilen gorky döredýän iň «ähtiýalan» hem aýylganç tebigy betbagtçylykdyr. Sunamiler, suw joşmalary, ýer süýşmeleri, taýfunlar belli bir derejede çak edilip bilinýän bolsa, ýer titremeleriniň weýran ediji we ölüm howply netijeleriniň öňüni almak diňe ýer gabynyň duýdansyz sarsgynlary wagtynda özüni alyp barmagyň düzgünlerine eýermeklige bagly bolup durýar.
«Neýtralnyý Turkmenistan» gazetiniň berýän habaryna görä, Türkmenistan Hytaýa eksport edýän gazynyň möçberini iki esse artdyrmagy we Türkmenistan-Hytaý gazgeçirijisiniň dördünji ugruny çekmek bilen ony ýylda 65 milliard kubometre ýetirmegi niýet edýär.
Özbegistanyň Prezidenti Şawkat Mirziýoýewiň Türkmenistana resmi sapary 20-21-nji oktýabr aralygynda bolar. Sapara görülýän taýýarlyk barada Türkmenistanyň Prezidenti Serdar Berdimuhamedowa wise-premýer, Daşary işler ministri Raşid Meredow hasabat berdi.
Türkmenistanyň Milli Geneşiniň Halk Maslahatynyň Başlygy Gurbanguly Berdimuhamedow şenbe güni Ahal welaýatynyň täze edara ediş merkezindäki binalaryň gurluşygy we köpçülikleýin bag nahallaryny oturtmagyň güýzki möwsümine taýýarlyk işleri bilen tanyşdy. Bu barada "Türkmenistan şu gün" saýty habar berdi.
CNPC kompaniýasy 26-28-nji oktýabr aralygynda Aşgabatda geçiriljek "Türkmenistanyň nebiti we gazy" halkara maslahatynyň esasy hyzmatdaşy hökmünde çykyş eder.
Astanadaky türkmen-gazak gepleşiklerinde ulag-üstaşyr pudagyndaky hyzmatdaşlyga aýratyn üns berildi. Gazagystan Respublikasynyň Prezidentiniň saýtynda berilýän habara görä, taraplar Gazagystan-Türkmenistan-Eýran demir ýolunyň doly güýjünde ulanylmagy üçin bilelikdäki çäreleri görmek barada ylalaşdylar.
Astanada Gazagystanyň we Türkmenistanyň resmi wekiliýetleriniň agzalarynyň gatnaşmagynda iki ýurduň liderleriniň arasyndaky gepleşikler tamamlandy. Taraplar ikitaraplaýyn gün tertibinde derwaýys meseleleriň birnäçesini jikme-jik ara alyp maslahatlaşdylar we mundan beýläkki hyzmatdaşlygyň esasy ugurlaryny kesgitlediler.
Türkmenistanyň Prezidenti Serdar Berdimuhamedow Akordada giňeldilen türkmen-gazak gepleşiklerinde çykyş etdi. Ol Gazagystanyň ýolbaşçysyna mähirli garşylanandygy we bilelikdäki iş üçin ajaýyp şertleriň döredilendigi üçin minnetdarlyk bildirdi.
Gazagystan türkmen gazyny import etmegiň möçberini ýylda bir ýarym milliard kub metre çenli artdyrmaga taýýar. Bu barada Kasym-Žomart Tokaýew şenbe güni Akordada geçirilen gepleşikler tamamlanandan soň, KHBS-niň wekilleri üçin brifingde aýtdy.
Anna güni, 15-nji oktýabrda Türkmenistanyň Döwlet haryt-çig mal biržasynyň söwdalarynda Birleşen Arap Emirlikleriniň wekili nah ýüplük satyn aldy diýip, ORIENT-iň habarçysy habar berýär.
Akordada Gazagystanyň Prezidenti Kasym-Žomart Tokaýew Türkmenistanyň Prezidenti Serdar Berdimuhamedow bilen geçirilen giňişleýin gepleşiklerden soň, Türkmenistan bilen özara söwdanyň möçberiniň iki esse artandygy barada aýtdy.
Akordada ýokary derejede giňişleýin türkmen-gazak gepleşikleri başlanyldy. GR-nyň Prezidenti Kasym-Žomart Tokaýew Türkmenistanyň Prezidenti Serdar Berdimuhamedowa mübärekleme sözi bilen ýüzlendi diýip, “Kazinform” HHA-nyň habarçysy habar berýär.
Berdimuhamedow 14-nji oktýabrda Astanada geçirilen “Merkezi Aziýa – Russiýa” sammitinde çykyş edip, hyzmatdaşlyk boýunça birnäçe teklipleri we başlangyçlary öňe sürdi.
Prezident Serdar Berdimuhamedow GDA-nyň anna güni Astanada geçen sammitinde GDA-nyň Bedenterbiýe we sport baradaky Geňeşiniň howandarlygynda halkara sport oýunlaryny geçirmek boýunça utgaşdyryjy komiteti -- “Dostluk oýunlaryny” döretmegi teklip etdi.
Ispaniýanyň “Atresmedia” mediaholdingi Türkmenistan barada bilelikdäki teletaslamalara gyzyklanma bildirdi. Bu teklibe jogap edip, ýurduň Daşary işler ministrligi Türkmenistanyň telewideniýe, radiogepleşikler we kinematografiýa baradaky döwlet komitetiniň ýolbaşçylarynyň wekilleriniň Atresmediýa toparynyň “Enviado Especial” (“Ýörite wekil”) dokumental programmasynyň müdirligi bilen onlaýn duşuşygyny gurady.
