ABŞ-nyň ilçihanasy talyplary alyşma maksatnamasy boýunça ýüz tutmak mümkinçiligini ýatlatdy
ABŞ-nyň Türkmenistandaky ilçihanasy türkmenistanly talyplaryň 15-nji dekabra çenli Global UGRAD 2023-2024 halkara talyplary alyşma maksatnamasyna gatnaşmak üçin elektron poçta arkaly ýüz tutup biljekdiklerini ýatladýar.
Global UGRAD – bu ABŞ-nyň Döwlet Departamentiniň Bilim we medeniýet maksatnamalary meseleleri boýunça bölüminiň maksatnamasydyr. Ol ýokary okuw jaýlarynyň talyplaryna ABŞ-nyň uniwersitetleriniň birinde 1-2 akademiki ýarymýyllyk okuwy tölegsiz okamaga mümkinçilik berýär.
Maksatnama gatnaşýan birinji synp talyplary ýörite bellenen maşgalalarda ýa-da umumy ýaşaýyş jaýlarynda ýaşap, iki ýyllyk kollejlerde okap bilerler. Beýleki talyplar bolsa umumy ýaşaýyş jaýlarynda ýaşap, dört ýyllyk kollejlerde we uniwersitetlerde bilim alarlar.
Talyplary alyşmak boýunça maksatnama gatnaşyjylar hünär derejesini ýokarlandyrmak üçin giň mümkinçilik gazanyp, tutuş okuw maksatnamasynyň dowamynda gündizki bölümde bilim alarlar we hünär tejribesini geçerler. Olar Amerikanyň Birleşen Ştatlarynyň çäginde bolýan şäherinde 20 ýa-da ondan gowrak sagatlaryny jemgyýete peýdaly iş bilen meşgullanmaga sarp ederler.
Has takyk maglumat, şeýle hem maksatnama gatnaşmak üçin ýüz tutmaga gerekli zatlaryň hemmesini ABŞ-nyň Türkmenistandaky ilçihanasynyň saýtyndatapyp bilersiňiz.
ORIENT news
Surat: yandex
