Türkmenistanda IT adalgalaryň ilkinji elektron sözlügi işläp başlady
Türkmenistanda maglumat we aragatnaşyk tehnologiýalary pudagynda ilkinji ykjam goşundy sözlügi – IT sözlük elýeterli boldy.
Sözlük, Türkmenistanyň Prezidentiniň ýanyndaky Döwlet gullugy akademiýasy bilen ABŞ-nyň Halkara ösüş agentliginiň (USAID) bilelikdäki hyzmatdaşlygynyň netijesinde üç dilde döredilip, IT hünärmenleri üçin niýetlenendir. Ýükläp almak üçinol App Store we Google Playplatformalarda elýeterlidir.
Sözlük, gysga we elýeterli görnüşde beýan edilen IT pudagynyň esasy adalgalaryny öz içine alýar. Ol aragatnaşyk we maglumat ulgamynyň hünärmenleri, ylmy işgärler, terjimeçiler, mugallymlar we talyplar üçin niýetlenendir.
Geljekde Türkmenistanyň Döwlet gullugy akademiýasy goşundyny yzygiderli täze adalgalar we kesgitlemeler bilen doldurmagy, şeýle hem ykdysadyýet we ekologiýa pudagyndaky adalgalarbilen giňeltmegi maksat edinýär.
IT sözlügini döretmegiň zerurlygy ilki bilen ýurdumyzda aragatnaşyk, kompýuter we maglumat tehnologiýalary pudagynda ýöriteleşen adamlaryň sanynyň köpelmegi hem-de Türkmenistanyň sanly ykdysadyýete geçmek tagallalary bilen baglanyşyklydy.
Şunuň bilen baglylykda, Türkmenistanyň Prezidentiniň ýanyndaky Döwlet gullugy akademiýasynyň USAID bilen hyzmatdaşlygy sanly çözgütleriň girizilmegine we ýurdumyzyň döwlet edaralarynda sanly ulgamlary ösdürmek üçin hünärmenleriň mümkinçiliklerini artdyrmaga ýardam edýär.
ORIENT news
Surat: mirea.ru
