Aşgabatda Toyota kysymly täze taksileriň 150-si hereket edip başlady. Ýaponiýanyň öndürijisinden nobatdaky tapgyrda Türkmenistana gelip gowşan ýaşyl “şaşkajykly” ak awtoulaglar şäher ýollaryna çykyp, aýratyn-da adamlaryň ýola has köp çykýan wagtynda hem-de gür ilatly ýerlerde ýolagçylary gatnatmak boýunça hyzmat ediş ulgamynyň mümkinçiliklerini giňeltdiler.
Çäräniň guramaçylary bolan Aşgabadyň zenanlar toparynyň, paýtagtymyzyň Halkara mekdebiniň hem-de Pakistan Yslam Respublikasynyň Türkmenistandaky ilçihanasynyň wekilleri biperwaý bolmadyklaryň hemmesini “Pakistany goldalyň. Suw alma” diýen haýyr-sahawat çäresine gatnaşmaga çagyrýarlar.
Türkmenistanyň welaýat merkezleriniň dördüsinde – Türkmenabatda, Daşoguzda, Maryda we Balkanabatda täze ýolagçy awtomenzilleri ulanmaga bermäge taýýar edildi. Bu barada şenbe güni hökümetiň mejlisinde Ministrler Kabinetiniň ýanyndaky Ulag we kommunikasiýalar agentliginiň baş direktory Mämmethan Çakyýew habar berdi.
Türkmen tarapynyň haýyşy boýunça Türkiýäniň hökümeti Türkmenistanyň raýatlary üçin wagtlaýyn wiza düzgünini girizdi, bu sebäpli türkmen paýtagtynda täze wiza merkezi işläp başlady – diýip, Türkiýäniň Aşgabatdaky ilçihanasynda ORIENT-e habar berdiler.
Beýik Britaniýanyň Aşgabatdaky ilçihanasy Ýelizaweta II-njiniň aradan çykmagy sebäpli 13-nji sentýabrda, hepdäniň sişenbe güni gynanç kitabynyň açylýandygyny habar berdi. Bu barada ilçihananyň internet ulgamlaryndaky sahypalarynda aýdylýar.
Türkmenistanyň Prezidenti Serdar Berdimuhamedow Ahal welaýatynyň täze, döwrebap edara ediş merkezinde bina ediýän ýaşaýyş jaýlarynyň meseleleri hakynda resminama gol çekdi diýip, şu gün resmi türkmen metbugaty ýazýar.
Her ýyl Türkmenistanda ýurduň döwlet edaralarynyň we halkara nebit-gaz kompaniýalarynyň wekillerini ýygnaýan “Türkmenistanyň nebiti we gazy” atly halkara maslahaty geçirilýär.
Türkmenistanyň Prezidenti Serdar Berdimuhamedow Güýzgeldi Baýjanowy Suw hojalygy baradaky döwlet komitetiniň başlygy wezipesinden boşatdy we bu gurluşyň başlygy edip Durdy Gendjiýewi belledi.
Germaniýanyň Türkmenistandaky diplomatik wekilhanasynyň resmi saýtynda: – GFR-nyň Aşgabatdaky ilçihanasynyň wiza bölümi, işgärler bilen baglanyşykly ýagdaý sebäpli, çäklendirilen tertipde işlär – diýlip, habar berilýär.
10-njy oktýabrdan 14-nji oktýabr aralygynda Russiýanyň Soçi şäherinde bakalawr, hünärmen, magistr we 8-10-njy synp mekdep okuwçylarynyň arasynda Maliýe Howpsuzlygy boýunça II Halkara Olimpiadasy geçiriler. Şu ýylyň maý aýynda geçirilen saýlama tapgyrynda baýraga mynasyp bolanlar we ýeňijiler “Sirius” bilim merkeziniň federal çäginde geçiriljek Olimpiadanyň soňky tapgyryna ugradylar.
Türkmenistanyň Milli Geňeşiniň Mejlisiniň Başlygy Gülşat Mämmedowa dünýäniň ýurtlarynyň Parlamentleriniň ýolbaşçy zenanlarynyň sammitine gatnaşmak üçin 8-9-njy sentýabrda Daşkende bolan saparynyň barşynda Özbegistanyň Prezidenti Şawkat Mirziýoýew bilen duşuşdy.
Tutuş dünýä, ähli ýurtlaryň ýaşaýjylary, syýasatçylar we döwletleriň liderleri ýurdy 70 ýylyň dowamynda dolandyran Beýik Britaniýanyň şa zenany Ýelizaweta II-niň aradan çykmagyna gynanç bilen seslendi. Ýüzlerçe million adamlar aradan çykan şa zenany hatyralaýarlar, patyşa maşgalasyna we Birleşen Patyşalygyň raýatlaryna gynanç bildirýärler.
Türkmenistanyň daşary işler ministri Raşid Meredow Aýlagyň arap döwletleriniň hyzmatdaşlyk Geňeşine gatnaşyjy ýurtlaryň hem-de Merkezi Aziýa döwletleriniň ministrleriniň Er-Riýadda geçirilen ilkinji mejlisiniň çäklerinde kärdeşleri bilen birnäçe ikitaraplaýyn duşuşyklary geçirdi.
Aşgabatdaky modalar hepdeliginde görkezilen egin-eşikleriň dizaýnerçilik toplumlarynyň esasy görkezilişi “Mähirli Zenan”-yň lybaslarynyň görkezilmegi bilen jemlenildi.
8-nji sentýabrda Astrahanda öz işine başlajak VII Halkara Hazar mediaforumyna gatnaşyjylar häzirki zamanyň media ulgamyny hem-de onuň täze durmuş-ykdysady şertlerdäki işleriniň aýratynlyklaryny ara alyp maslahatlaşarlar.
