Gatnaw ýola goýuldy: Aşgabatda 150 sany täze taksiler herket edip başlady
Aşgabatda Toyota kysymly täze taksileriň 150-si hereket edip başlady. Ýaponiýanyň öndürijisinden nobatdaky tapgyrda Türkmenistana gelip gowşan ýaşyl “şaşkajykly” ak awtoulaglar şäher ýollaryna çykyp, aýratyn-da adamlaryň ýola has köp çykýan wagtynda hem-de gür ilatly ýerlerde ýolagçylary gatnatmak boýunça hyzmat ediş ulgamynyň mümkinçiliklerini giňeltdiler.
Taksiler GPS-enjamlar bilen enjamlaşdyrylandyr, bu bolsa hemra arkaly gözegçilik etmegiň kömegi bilen taksi edarasynyň operatoryna olaryň hereketlerini synlamaga mümkinçilik berýär. Müşderiler üçin onlaýn-hyzmatlar bilen birlikde, jemgyýetçilik ulaglarynyň menejmentine hem-de dolandyrylmagyna döwrebap usulda çemeleşme bu ulgamy ekologiýa taýdan arassaçylygyň üpjün edilmeginde bolşy ýaly, ony kämilleşdirmegiň maksatnamasyna-da girýär.
Şeýle hem taksi hyzmatynda gatnawlar üçin bank karty arkaly nagt däl töleg hyzmaty işjeň ornaşdyrylýar. Bu barada türkmen telewideniýesiniň agşamky goýberilişiniň täzeliklerinde görkezilen wideoşekillerde gürrüň berildi.
ORIENT news
