Türkmen DIM-niň ýolbaşçysy Er-Riýadda ikitaraplaýyn duşuşyklary geçirdi
Türkmenistanyň daşary işler ministri Raşid Meredow Aýlagyň arap döwletleriniň hyzmatdaşlyk Geňeşine gatnaşyjy ýurtlaryň hem-de Merkezi Aziýa döwletleriniň ministrleriniň Er-Riýadda geçirilen ilkinji mejlisiniň çäklerinde kärdeşleri bilen birnäçe ikitaraplaýyn duşuşyklary geçirdi.
Hususan-da, ol Saud Arabystanynyň, Omanyň, BAE-niň, Bahreýniň, Kataryň, Kuweýtiň we Gazagystanyň daşary syýasat edaralarynyň ýolbaşçylary bilen duşuşdy.
Duşuşyklaryň dowamynda hyzmatdaşlygyň häzirki meselelerine, şol sanda söwda-ykdysady we maýa goýum ulgamlarynda hyzmatdaşlyk etmegiň meselelerine, şeýle hem sebitleýin taslamalaryň öňe ilerledilişine hem-de özara hereketleriň bilelikdäki gurallarynyň işine garaldy. Döwletara gatnaşyklaryny ösdürmekde uly we iň ýokary derejelerdäki saparlaryň möhümdigi bellenildi.
ORIENT news
Foto: LinkedIn
