Türkmen we nemes lukmanlarynyň arasyndaky hyzmatdaşlygyň geljegi 26-27-nji ýanwarda Aşgabadyň Halkara ylym-bilim merkezinde teleköpri arkaly geçiriljek X türkmen-german lukmançylyk forumynda ara alnyp maslahatlaşylar. Bu barada çarşenbe güni Ministrler Kabinetiniň mejlisinde hökümetiň saglygy goraýyş meseleleri boýunça jogapkär Nurmuhammet Amannepesow habar berdi.
9-11-nji synp bolan türkmen mekdep okuwçylary - Aşgabadyň Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 12 sany okuwçysy iňlis dili boýunça geçirilen Science Olympiad Foundation (SOF) halkara internet-olimpiadasynyň ýeňijileri boldular - diýip, «Neýtralnyý Turkmenistan» gazeti habar berýär.
Halkara zenanlar güni mynasybetli Türkmenistanyň Ahal welaýatynyň Kärdeşler arkalaşygynyň birleşmesi welaýatyň «Ahal durmuşy» gazetiniň redaksiýasy bilen bilelikde edebiýat bäsleşige badalga berdi.
Başlanan ýylda Volkswagen, Mazda we Türkmenistanda aýratyn meşhurlykdan peýdalanýan Toyota ýaly awtoulag kompaniýalarynyň arasyndaky bäsleşik bahalaryň arzanlamagyna getirip biler.
28-nji dekabrdan 12-nji ýanwar aralygynda uçýan Kwadrantida meteor tapgyry 4-nji ýanwar gijesinde iň ýokary nokada ýeter – diýip, Moskwanyň Planetariumynyň metbugat gullugy habar berýär.
Özbegistanyň bäş howa menzilinde - Daşkent, Samarkand, Buhara, Fergana we Ürgenç şäherlerinde 2-nji ýanwarda Tax Free ulgamy dabaraly ýagdaýda işe girizildi, onuň üsti bilen daşary ýurtly syýahatçylar satyn alan harytlary üçin keşbek alyp bilerler, ýagny syýahatçylara goşulan baha üçin salgyt yzyna gaýtarylyp berilýär. Ulgam Özbegistanyň Döwlet salgyt komiteti tarapyndan gurnaldy we häzirki wagtda ol synag tertibinde işleýär – diýip, Özbegistanyň howa menziliniň metbugat gullugy habar berýär.
Ýurduň habarçylarynyň berýän habaryna görä, Gyrgyzystanyň Medeniýet ministrliginiň metbugat gullugynyň wekili: "2023-nji ýylyň 1-nji ýanwaryndan Gyrgyzystanyň artistlerine fonogramma ulanmak gadagan edildi" - diýdi.
Belarusyň wizasy bolan daşary ýurt raýatlary hiç hili päsgelçiliksiz Russiýanyň çägine girip bilerler we resminamanyň möhleti gutarýança, ol ýerde bolup bilerler. Bu barada Belorussiýanyň IIM-niň raýatlar we migrasiýa baradaky deparamentiniň başlygy Alekseý Begun mälim etdi – diýip, TASS habar berýär.
2023-nji ýylyň 7-nji ýanwaryndan türkmen awiakompaniýasy Aşgabat- Maýn boýundaky Frankfurt-Aşgabat ugry boýunça uçuşlarynyň sanyny wagtlaýynça azaldar. Uçuşlaryň gyşky tertibinde bir gatnaw galar, ol her şenbe günleri amala aşyrylar. Bu maglumat Reýn-Maýn howa menziliniň resmi **[saýtynda](https://www.frankfurt-airport.com/en/flights-and-transfer/departures.html?flighttype=departures&q=Turkmenistan+Airlines&time=2023-01-03T08%3A48%3A00.000Z&key=TUA&type=Airline)** ýerleşdirildi.
Söwda-senagat edarasynyň zalynda Täze ýyl mynasybetli dabara geçirildi, onuň dowamynda Döwletliler köşgünde terbiýelenýän çagalara Türkmenistanyň Prezidenti Serdar Berdimuhamedowyň hem-de Milli Geňeşiň Halk Maslahatynyň Başlygy Gurbanguly Berdimuhamedowyň adyndan sowgatlar gowşuryldy.
Gürrüň tazy we tobet gazak tohum itleri barada barýar. Bu ýyndam itler Gazagystanyň gymmatlygy hasaplanylýar we häzir olar ýitmegiň howp astynda. Milli tohum itleri gorap saklamak we täzeden dikeltmek üçin respublikanyň baştutany Kasym-Žomart Tokaýew kanuna gol çekdi diýip, ýurduň prezidentiniň metbugat gullugy sişenbe güni habar berdi.
2023-nji ýylyň 3-nji ýanwaryndan Türkiýä gitmäge wiza almak isleýän Türkmenistanyň raýatlary ozal zerur bolan resminamalaryň üstüne kepillendiriş edarasy tarapyndan tassyklanylan goşmaça “Ylalaşyk hakynda jarnamany” görkezmeli bolarlar.
Hytaýyň ABŞ-daky ilçisi Sin Gan Hytaý Halk respublikasynyň Daşary işler ministri wezipesine bellendi. Bu barada anna güni Hytaýyň merkezi telewideniýesi habar berdi.
Russiýanyň Musulmanlarynyň ruhy mejlisiniň müftüleriniň başlygy Albir Krganow dindeşlerine täze ýyl saçagyna halal önümlerden “oliwýe” atly meşhur işdäaçary taýýarlamagy maslahat berdi.
Täze ýylyň öňüsyrasynda, ORIENT okyjylara iň gyzykly we ähmiýetli habarlary çalt tapmak, şeýle hem belli bir mowzuklary täze bölümleri arkaly yzarlamak mümkinçiligini döretmek maksady bilen, saýtyny we goşundysyny täzeledi.
