“Türkmenistan” awiakompaniýasy Maýn boýundaky Frankfurta hepdede bir gezek uçar
** ýerleşdirildi.](https://cdn.orient.tm/storage/app/media/ru/2023/01/03012023frankrurtreystm-1.jpg)
2023-nji ýylyň 7-nji ýanwaryndan türkmen awiakompaniýasy Aşgabat- Maýn boýundaky Frankfurt-Aşgabat ugry boýunça uçuşlarynyň sanyny wagtlaýynça azaldar. Uçuşlaryň gyşky tertibinde bir gatnaw galar, ol her şenbe günleri amala aşyrylar. Bu maglumat Reýn-Maýn howa menziliniň resmi saýtynda ýerleşdirildi.
Häzirki wagtda “Türkmenistan” awiakompaniýasy Aşgabat- Maýn boýundaky Frankfurt ugru boýunça hepdede iki gezek – her çarşenbe we şenbe günleri uçýar. Täze uçuş tertibine laýyklykda, türkmen uçary Aşgabadyň Halkara howa menzilinden şenbe güni ýerli wagt boýunça 12:40-da uçar.
Uçuşlar uzak aralyga uçýan Boeing 777-200LR uçarlarynda ýerine ýetiriler. Uçuş peteginiň bahasy pes nyrh boýunça – bir tarapa 8023 manat 80 teňňe.
Türkmenistanyň Germaniýa bilen yzygiderli howa gatnawyny 2022-nji ýylyň awgustynda täzeden ýola goýandygyny ýatlap geçmek ýerlikli bolar.
ORIENT news
