MotorTrend amerikan žurnaly tarapyndan Hyundai Motor Group-yň ýerine ýetiriji direktory Çong Ison ýylyň adamy diýlip atlandyryldy. Bu barada Günorta Koreýanyň awtoulag öndürijisi öz saýtynda yglan etdi.
Birleşen Arap Emirliklerinde 3D tehnologiýasynyň kömegi bilen dünýäde ilkinji metjit gurlar. Iki müň inedördül metr meýdany eýelejek özboluşly täsin binany Bur-Dubaýyň taryhy künjeginde gurmak meýilleşdirilýär diýip, The National emirlikler neşiri habar berýär.
12-13-nji ýanwarda Hindistanda geçirilen halkara forumda ýurdumyza hökümetiň ylym we bilim meseleleri boýunça premýer-ministriň orunbasary Nurmuhammet Amannepesow wekilçilik etdi. Hindistanyň Türkmenistandaky ilçihanasynyň beren beýanatynda - sammite Aziýa, Afrika, Latyn Amerikasy we GDA ýurtlaryna wekilçilik edýän 120 döwletiň ýolbaşçylary gatnaşdy – diýlip, bellenilýär.
Günorta Koreýaly YouTub blogçysy Çako Çako, adaty bolmadyk "saz guralynda" - kalkulýatorda meşhur aýdymlary ýerine ýetirmekde özboluşly ukyby bilen internetde meşhur boldy. Ridus.ru-nyň habar bermegine görä, ol meşhur sazlary ýerine ýetirip, öz kanalynda ýerleşdirip başlady we birnäçe aýyň içinde oňa ýazylan döredijiliginiň muşdaklarynyň sany 815 000-den geçdi.
Merkezi Aziýa ýurtlary üçin öňüni alyş diplomatiýasynyň Aşgabatdaky sebitleýin merkeziniň öňüni alyş diplomatiýasynyň Akademiýasynadiňleýjileriň täze topary üçin ýüz tutmalary kabul edip başlady – diýip, guramanyň resmi saýty habar berýär.
Lukman bilen maslahatlaşman, antibiotik kabul etmek saglyk üçin howply allergiýa täsirine getirip biler we saglyk üçin beýleki çynlakaý meselelere sezewar edipbiler.
2023-nji ýylda haj zyýaratyny amala aşyrýan zyýaratçylar COVID-19 sanjymynyň ähli tapgyrlaryny geçmelidirler – diýip, Saudi Gazette Haj we umry ministrliginiň wekiline salgylanyp habar berýär.
Owganystanyň wagtlaýyn hökümetiniň Daşary işler ministri Amir Han Mutaki Kabulda Russiýanyň prezidentiniň Owganystan boýunça ýörite wekili Zamir Kabulow bilen duşuşygynda Russiýadaky diplomatik wekilligiň çäklerini giňeltmek niýeti barada aýtdy. Bu barada Owganystanyň Daşary işler ministrligine salgylanyp, RIA Nowosti habar berýär.
Türkmenistanyň Daşkentdäki ilçisi Ýazguly Mämmedow penşenbe güni Özbegistan Respublikasynyň Daşary işler ministriniň wezipesini ýerine ýetiriji Bahtiýor Saidow bilen duşuşdy.
Türkmenistanyň Demokratik partiýasynyň Mary bölümi "Mary-Şahu Jahan" welaýat gazetiniň redaksiýasy bilen bilelikde döredijilik bäsleşigini yglan etdi.
Şu günler Türkmenistany adatdan daşary aýazly howa gurşap aldy, ýurduň käbir sebitlerinde bolsa noldan aşak derejedäki rekord görkezijiler bellige alyndy. Mysal üçin, şu gün irden paýtagtyň “Täze Zaman” ýaşaýyş toplumynda howanyň derejesini ölçeýjiniň görkezijisi -20 gradusy görkezdi, Aşgabadyň etegindäki Ýanbaşyň ýaşaýjylary bolsa -18 gradusy bellige aldylar.
Türkmenistanyň ýaşlary Non-Violence Cup halkara taslamasynyň çäklerinde çekişmebäsleşigine gatnaşar, ol häzirki döwrüň wajypmeselelerini konstruktiw görnüşde ara alyp maslahatlaşmaga mümkinçilik berýär.
Hytaý tarapyndan daşary ýurtlara syýahatçylygyň gaýtadan dikeldilmegi bilen, dünýä jemgyýetçiligi Hytaýdan gelýän jahankeşdeleri işjeň garşy alýar – diýip, China daily habar berdi.
Hindistanyň Türkmenistandaky Ilçihanasy Aşgabatda Bütindünýä hindi gününiň (World Hindi Day 2023) baýram edilişini gurady – diýip, diplomatik wekilhana özüniň Instagramdaky hasabynda habar berdi.
Saud Arabystany şu ýylda haj zyýaratyny amala aşyrmak üçin koronawirus çäklendirmelerini aýyrýar. Bu barada haj we umry ministri Taufik al-Rabia HajjExpo 2023 Maslahatynyň açylyşynda beýan etdi, zyýaratçylaryň sanynyň pandemiýadan öňkisi ýaly boljakdygyny goşdy.
