Bir ýyl möhletli: Maryda edebi bäsleşik yglan edildi
Türkmenistanyň Demokratik partiýasynyň Mary bölümi "Mary-Şahu Jahan" welaýat gazetiniň redaksiýasy bilen bilelikde döredijilik bäsleşigini yglan etdi.
Edebi bäsleşik 2023-nji ýylyň wajyp senelerine - Türkmenistanyň garaşsyzlygynyň 32 ýyllygyna, ýurduň bitaraplygynyň 28 ýyllygyna we Türkmenistanyň Demokratik partiýasynyň döredilmeginiň 32 ýyllygyna bagyşlanýar.
Döredijilik bäsleşiginiň esasy maksady – şahsyýetiň, maşgalanyň, jemgyýetiň we döwletiň ösüşiniň gymmatlyk-semantik özeni hökmünde watançylyk duýgularyny açyp görkezmekdir. Bäsleşigiň esasy wezipesi intellektual döredijiligi höweslendirmekden, ülkäniň we ýurduň gazananlaryny görkezmekden we dünýä ýaýmakdan, jemgyýetiň intellektual potensialyny ösdürmegiň sosial meselelerine ünsi çekmekden ybarat.
Bäsleşige gatnaşmak üçin publisistik materiallary, çeper eseri, goşgular toplumlaryny emin agzalarynyň garamagyna hödürlemeli, şeýle hem öz şahsy maglumatlaryňyzy görkezmeli.
Bäsleşigiň netijeleri 2023-nji ýylyň dekabrynda Türkmenistanyň Demokratik partiýasynyň Mary bölüminiň we “Mary-Şahu Jahan” gazetiniň bilelikdäki mejlisinde jemlener. Ýeňijiler birnäçe nominasiýa boýunça kesgitlener:
― publisistika (makalalar, oçerkler we ş.m.)
― çeper eserler (hekaýalar, nowellalar we ş.m.)
― goşgular ýygyndysy
Eserler gazetiň redaksiýasynyň marushahujahangazeti@online.tm. elektron salgysyna iberilmeli.
Artur PETROSYANS
