Türkmenistanyň Döwlet arçasyna isleg bildirenleriň her biri gelip biler. Çagalar üçin sahnalaşdyrylan täze ýyl çykyşlary 1-nji ýanwarda başlanar. Ertekiler dünýäsine alyp barýan portal Aşgabatda Söwda-senagat edarasynyň uly zalynda açylar. Hut şol ýere ýurdumyzyň baş arçasynyň ýanyndaky täze ýyl çykyşlarynyň gahrymanlary barar.
Türkmenistanyň Ministrler Kabinetiniň ýanyndaky Ulag we kommunikasiýa agentliginiň “Türkmenawtoulaglary” agentliginiň Aşgabat ýolagçy awtoulag kärhanasy türkmen paýtagtynda 26-njy dekabrdan Parahat 7 – “Aşgabat” SDAM aralygynda gatnajak № 114 belgili täze awtobus ugruny herekete girizdi.
Türkmenistanyň wekiliýeti Türkiýäniň Antalýa şäherinde ýaşlaryň iş bilen meşgul bolmagy we Merkezi Aziýada zorlukly ekstremizmiň öňüni almak boýunça geçirilen sebitleýin forumyna gatnaşdylar.
Syýahatçy hökmünde Azerbaýjana baryp gören türkmenistanly raýatlaryň sany 2022-nji ýylyň noýabrynda geçen ýylyň şu aýy bilen deňeşdireniňde 5,1 esse artdy – diýip, Azerbaýjanyň syýahatçylyk baradaky Döwlet agentligine salgylanyp, Trend habarlar agentligi habar berýär.
Türkmenistanda bilimi dolandyrmakda täze maglumatlar ulgamyny ornaşdyrmagyň üstünde işleýärler, munuň üçin eýýäm synag goşundysy işlenip düzüldi – diýip, ORIENT-iň habarçysy habar berýär.
TM CELL-iň abonentleri TMCELL IIM-niň ýangyn howpsuzlygy gullugyndan arçalary bezelende ýangyn howpsuzlygyny üpjün etmäge çagyrýan SMS-habaryny aldylar.
Türkmenistanyň Prezidenti Serdar Berdimuhamedow azerbaýjanly kärdeşi Ylham Alyýewiň iki ýurduň arasyndaky köptaraplaýyn hyzmatdaşlygy pugtalandyrmakdaky şahsy goşandyny belläp geçdi. Bu barada türkmen döwletiniň baştutanynyň Azerbaýjanyň Prezidentine doglan güni mynasybetli ugradan gutlagynda aýdylýar.
BMG-niň Ilat gaznasynyň ýokary derejedäki bilermenler wekiliýeti Türkmenistanyň 2022-nji ýyldaky ilatyň we ýaşaýyş gorunyň uçdantutma ýazuwyna taýýarlygyna we onuň geçirilişine oňyn baha berdi – diýip, “Neýtralnyý Turkmenistan” gazeti bilermenleriň köpçülikleýin habar beriş serişdeleri üçin brifinginiň jemleri boýunça ýazýar.
BMG-niň Türkmenistandaky wekilhanasy tarapyndan gurnalan maýyplygy bolan adamlar barada maglumatlary ýygnamak, seljermek we olardan peýdalanmak boýunça okuw seminary tamamlandy.
Daşary ýurt raýatlaryna Fransiýada magistrlik we doktorlyk derejesini almaga mümkinçilik berýän Eiffel Excellence stipendiýasynyň maksatnamasyna ýüz tutmalaryň kabul edişligi tamamlanyp barýar.
“Türkmenistan adatdan daşary uly geljegi bolan, syýasy taýdan goldawa eýe bolmagy bilen tebigy serişdelere baý ýurtdyr, bu bolsa ony sebitde durnuklylygyň möhüm ýagdaýyna öwürýär” diýip, **[Italiýanyň Türkmenistandaky täze ilçisi](https://orient.tm/ru/post/42532/italiya-naznachila-novogo-posla-v-ashhabade)** Luidji Ferrari ilçileriň Farnezinada (ýerleşen ýeri boýunça – Farnezina köşgünde Italiýanyň daşary syýasat edarasy şeýle atlandyrylýar) geçirilen maslahatyň çäklerinde aýtdy.
Ýaponiýanyň Sumitomo korporasiýasy düzüminde taksileriň 780-si we awtobuslaryň 1330-sy bolan Toyota awtoulaglarynyň 2110-syny Türkmenistana iberýär. Bu baradaky maglumatlary Korporasiýa “Türkmenawtoulaglary” agentligi bilen baglaşylan şertnamanyň jikme-jikliklerini öz resmi saýtynda açyp görkezdi. Şeýle hem onda taksileriň degişli ýaşyl nyşanlary bolan ak reňkli Corolla ulaglarynyň hem-de Hiace we Coaster awtobuslarynyň (olar hem radiatorynyň gözenekleri bilen birlikde ak reňkde) fotosuratlary ýerleşdirilipdir.
Penşenbe güni Aşgabatda zenanlaryň we çagalaryň arasynda mikroelementler boýunça milli barlaglar üçin maglumatlary ýygnamak ugrundaky taslama badalga berildi. Maksatnamany ÝUNISEF bilen hyzmatdaşlyk Türkmenistanyň Saglygy goraýyş we derman senagaty ministrligi öňe sürdi we ol 2023-nji ýylyň 15-nji ýanwaryna çenli dowam eder.
Russiýanyň premýer-ministri Mihail Mişustin 2023-nji ýylyň başynda Merkezi Aziýa sapar bilen gitmegi mümkin diýip, Russiýanyň Daşary işler ministrliginiň GDA ýurtlarynyň üçünji departamentiniň müdiri Aleksandr Sternik aýtdy. Bu barada RIA Nowosti habar berýär.
Türkmenistanyň adam hukuklary we halkara ynsanperwer hukugy babatyndaky Halkara borçnamalaryny ýerine ýetirmek boýunça Pudagara komissiýanyň agzalary Ýewropa döwletiniň durmuş goraglylyk ulgamy bilen tanyşmak üçin Finlýandiýada boldular – diýip, BMGÖM-nyň Türkmenistandaky wekilhanasynyň habarynda mälim edilýär.
