Türkiýede Durnukly syýahatçylyk boýunça global maslahaty geçiriler
2023-nji ýylyň 9-12-nji maý aralygynda Türkiýäniň paýtagty Antalýa şäherinde “Global sustainable tourism conference-2023” atly Durnukly syýahatçylyk boýunça global maslahaty geçiriler.
Bu çäre her ýyl ekologiýa taýdan howpsuz syýahatçylygy ösdürmek we öňe sürmek bilen gyzyklanýan syýahatçylyk pudagynyň wekillerini bir ýere jemleýär. Olaryň arasynda döwlet we hususy pudaklaryň, myhmanhanalaryň wekilleri, syýahatçylyk operatorlary, ylmy intelligensiýa bar.
Çäräniň guramaçysy bolup, bu ugurda global ülňüleri kesgitleýän daşky gurşawy goramak we durnukly ösüş boýunça öňdebaryjy düzüm – Durnukly syýahatçylyk boýunça global geňeşi (GSTC) çykyş edýär.
Durnukly syýahatçylyk boýunça ülňüleriň ulanylyşyny giňeltmäge gönükdirilen forum geçen ýyl Ispaniýanyň Sewilýa şäherinde geçirildi.
Türkiýe geçen ýyl Durnukly syýahatçylyk boýunça global geňeşi bilen hyzmatdaşlyk hakynda ylalaşyga gol çekdi. Resminama ýurduň syýahatçylyk pudagyny üýtgedip gurmak boýunça mundan beýläkki çäreleriň ýol kartasyny kesgitledi.
ORIENT news
