Türkmenistanyň käbir welaýatlarynda annadan şenbä geçilýän gije güýçli ýagyş ýagmagyna garaşylýar
Mart 10, 2023 | 12:38 |9413
2023-nji ýylyň başyndan bäri iň güýçli ýagyş Türkmenistanda 10-njy martdan 11-nji marta geçilen gije garaşylýar – diýip, «Meteožurnal» neşiri habar berýär. 12 sagadyň dowamynda 7-15 mm ýagyşyň ýagmagy ahmal.
Has köp ýagyn Ahal welaýatynda, Köpetdagyň daglyk etraplarynda, şeýle hem Mary we Lebap welaýatlarynyň käbir etraplarynda ýagar.
Güýçli ýagyn Aşgabatda anna güni sagat 23:00-dan soň başlanar we 11-nji mart, şenbe güni irdene çenli dowam eder – muňa Gismeteo portalynyň saýtyndaky howa maglumaty şaýatlyk edýär. 11-nji martda howanyň iň ýokary temperaturasy +17 gradus bolar.
Ýekşenbe güni paýtagtda ýagyn ýagmagyna garaşylmaýar, temperatura +24 gradusa çenli maýyl bolar.
ORIENT habarlar
