Tatarstanyň daşary ykdysady gatnaşyklary, esasan Yslam döwletleri bilen özara gatnaşyklaryň gadymy däpleri bilen kesgitlenýär – diýip, Tatarstan Respublikasynyň Söwda-senagat edarasynyň başlygynyň geňeşçisi Ýelena Agzamowa duşenbe güni Aşgabat ulag forumynda eden onlaýn çykyşynda aýtdy.
Türkmenistanyň, Eýranyň, Gyrgyzystanyň, Özbegistanyň, Täjigistanyň we Türkiýäniň ulag boýunça döwlet düzümleriniň wekilleri Aşgabatda Ykdysady Hyzmatdaşlyk Guramasynyň çäklerinde ulag geçelgelerini döretmek meseleleri boýunça iş maslahatyny geçirýärler.
Häzirki wagtda Türkmenistan tarapyndan ýurdumyzyň çäginiň üstünden uçmak üçin 53 howa ýoly üpjün edilip, soňky ýyllarda awiakompaniýalara uçuşlaryň bahasyny arzanlatmaga mümkinçilik berýän 16 sany täze ugur açyldy diýip, “Türkmenhowaýollary” agentliginiň başlygy Döwran Saburow Aşgabatda geçirilen halkara ulag forumyndaky çykyşynda aýtdy.
Türkmenbaşy şäherinde gurlan häzirkizaman Halkara deňiz porty we täze milli gämiler türkmen nebit önümleriniň daşary ýurtlarda durnukly üpjünçiligini ýola goýmaga mümkinçilik berdi.
Halkara ulag we üstaşyr geçelgeler boýunça Aşgabat maslahatynyň gün tertibi köp babatda AÖB-nyň 2030-njy ýyla çenli strategiýasyna laýyk gelýär – diýip, Aziýa Ösüş Bankynyň Türkmenistandaky Hemişelik wekilhanasynyň Direktory Artur Andrisýak aýtdy.
Eýranyň, Omanyň, Türkmenistanyň we Özbegistanyň arasynda halkara ulag üstaşyr geçelgesini döretmek hakynda Ylalaşyga gatnaşyjy ýurtlaryň iş toparynyň üçünji mejlisi Aşgabatda, duşenbe güni açylan ulag forumynyň çäklerinde geçýär.
Duşenbe güni Aşgabatda ulag-üstaşyr geçelgeleri boýunça başlanan halkara maslahatynyň umumy mejlisine gatnaşyjylar täze çagyryşlar we mümkinçilikler babatda ulag-logistika ulgamynyň pandemiýdan soň täzeden dikeldilmegine garadylar.
Türkmenistanyň Söwda-senagat edarasynda «Halkara ulag-üstaşyr geçelgeleri: özara arabaglanyşyk we ösüş» atly halkara maslahat işläp başlady.
Hökmany döwlet tehniki gözden geçiriş tertibine girizilen täze düzedişe laýyklykda, ýuridik şahslar indi gulluk awtoulaglarynyň ýerleşýän ýerlerinde tehniki barlagyny geçirip bilerler.
Şenbe güni, 16-njy iýulda Türkmenistanyň Döwlet haryt-çig mal biržasynyň söwdalarynda umumy bahasy $435,2 müň we 1,4 million manat bolan 4 geleşik baglaşyldy diýip, ORIENT-iň habarçysy habar berýär.
Anna güni 15-nji iýulda Türkmenistanyň Döwlet haryt-çig mal biržasynyň söwdalarynda umumy bahasy $24,9 million hem-de 675 müň manatlyk 22 geleşik baglaşyldy diýip, ORIENT-iň habarçysy habar berýär.
Penşenbe güni, 14-nji iýulda Türkmenistanyň Döwlet haryt-çig mal biržasynyň söwdalarynda umumy bahasy $26,5 million hem-de 2,7 million manatlyk16 geleşik baglaşyldy diýip, ORIENT-iň habarçysy habar berýär.
Daşary ýurtlardan gelýän we ähli zerur kepilnamalary bolan Türkmenistanyň raýatlary üçin (COVID-19 sanjymynyň edilendigini we bedeninde antigenleriň ýokdugyny tassyklaýan şahadatnama, uçuşdan öň - soňky 48 sagadyň dowamynda geçirilen koronawirusyň ýoklugy barada PCR-barlagy) öňüni alyş çäresi hökmünde diňe 3 günlük öz-özüni izolirlemek, ýagny işjeň daşky aragatnaşyksyz öýde galmaklyk göz öňünde tutulýar.
Türkmen paýtagtynda gurulýan “Daşkent” seýilgähi Özbegistanyň Prezidenti Şawkat Mirziýoýewiň Türkmenistana sapary gününde açylar. Bu barada penşenbe güni özbek lideri Türkmenistanyň Baştutany Serdar Berdimuhamedow bilen geçiren gepleşikleriniň netijeleri boýunça žurnalistlere habar berdi.
Sanlyja günden başlanýan “Halkara ulag-üstaşyr geçelgeleri: Baglanyşyklylyk we ösüş” atly halkara maslahatyna gatnaşjak delegatlaryň 400-den gowragy hasaba alyndy.
