TDHÇMB-niň söwdalary: Suwuklandyrylan tebigy gazyň bahasy 6%-dan gowrak ýokarlandy
Penşenbe güni, 14-nji iýulda Türkmenistanyň Döwlet haryt-çig mal biržasynyň söwdalarynda umumy bahasy $26,5 million hem-de 2,7 million manatlyk16 geleşik baglaşyldy diýip, ORIENT-iň habarçysy habar berýär.
Söwdalarda suwuklandyrylan tebigy gazyň bahasy 6,7% ýokarlandy we bir tonnasynyň bahasy $566,80 barabar boldy. STG-niň jemi 5 müň tonnasy eksport üçin satyldy.
Mawy ýangyjy satyn alyjy Owaganystanyň wekilleri umumy bahasy $2,8 million bolan STG-ni satyn aldylar
Şol bir wagtyň özünde TS-1 uçar kerosininiň bir tonnasynyň bahasy $1,187,25 deň boldy. Soňky söwdalar bilen deňeşdirilende bahanyň ýokarlanmagy 6,5% barabar boldy.
BAE we Owganystandan gelen telekeçiler tarapyndan 20 müň tonna uçar kerosinini satyn almak üçin umumy bahasy $23,7 million bolan şertnama baglaşyldy.
Manat serişdelerine Wallis we Futuna adalarynyň wekilleri umumy bahasy 2,7 million manat bolan nah ýüplük satyn aldylar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
