Merkezi Aziýa ýurtlary Ýewropa bilen Aziýanyň arasyndaky baglanyşykdyr we strategik nukdaýnazardan olaryň ähmiýeti barha artýar. Bu ýurtlar daşary syýasatyny diwersifikasiýa edýärler we Ýewropa Bileleşigi (ÝB) olar bilen gatnaşyklary berkitmeli – diýip, Ýewropa diplomatiýasynyň başlygy Josep Borrell anna güni Germaniýanyň Mýunster şäherinde G7 daşary işler ministrleriniň duşuşygynda aýtdy.
Duşenbe güni 7-nji noýabrda Türkmenistanyň döwlet haryt-çyg mal biržasynda geçirilen söwdalaşmalarda 3 geleşik baglaşyldy, bu barada ORIENT-iň habarçysy habar berýär.
Özbegistan 2022-nji ýylyň ýanwar-sentýabr aýlarynda Gazagystanyň we Türkmenistanyň portlaryndan ýük daşalyşyny 2021-nji ýylyň degişli döwri bilen deňeşdirilende, iki esseden gowrak – 701 müň tonna çenli artdyrdy. Bu barada, Özbegistan Respublikasynyň ulag ministriniň orunbasary Jasurbek Çoriýewiň sözlerine salgylanyp, RIA Nowosti habar berýär.
Dürli hünärler üçin niýetlenilen ýokary hilli egin-eşikleri öndüriji – “Tarlan” türkmen kompaniýasy müşderilere gurluşykçylar, jemagat hyzmatlarynyň işgärleri, elektrikler, kebşirleýjiler hem-de beýleki hyzmat ediş gullyklarynyň işgärleri üçin niýetlenilen täze nusgalaryny hödürleýär.
Sişenbe güni 8-nji noýabrda Türkmenistanyň Döwlet haryt çyg mal biržasyndaky söwdalaşmalarda ýerli telekeçi içerki bazar üçin 7 müň sany plastik astlyklary satyn aldy. Bu barada ORIENT-iň habarçysy habar berýär.
Dubaý we Abu-Dabi daşary ýurtly syýahatçylar üçin geliş düzgünlerini ýönekeýleşdirdi. Syýahatçylara indi COVID19 lukmançylyk barlagyny we sanjym şahadatnamalaryny görkezmek zerurlygy ýok. «Emirates» awiakompaniýasy özüniň resmi web saýtynda bu şähere gelmek üçin diňe möhleti kadaly bolan pasportyň gerekdigini habar berýär.
Şanhaý Hyzmatdaşlyk Guramasynyň Baş sekretary Çžan Min, Merkezi Aziýa ýurtlarynyň we Hytaýyň analitiki merkezleriniň ikinji forumynda Merkezi Aziýany guramanyň möhüm sebiti diýip atlandyrdy. Bu barada МИА «Казинфом» agentligi habar berýär.
Türkmenistanyň Daşary işler ministrliginiň Halkara gatnaşyklary instituty “Hytaý + Merkezi Aziýanyň bäş ýurdy” atly seljeriş geçiriji merkezleriň ikinji forumynyň guramaçysy bolup çykyş etdi.
Duşenbe güni prezident Serdar Berdimuhamedow welaýatlaryň häkimleri hem-de obasenagat toplumy boýunça wise-premýer Annageldi Ýazmyradow bilen sanly ulgam arkaly geçiren iş maslahatynda Türkmenistanda pagta ýygymy möwsüminiň we bugdaý ekişiniň tamamlaýjy tapgyrynyň barşy baradaky, ekerançylaryň häzirki günlerde alyp barýan beýleki işlerine degişli meseleleri ara alyp maslahatlaşdy.
Türkmenistanly telekeçiler Merkezi Aziýa ýurtlary üçin onlaýn işewür-perişdeler mekdebine çagyrylýar, şol döwürde bilelikde esaslandyryjy hökmünde geljegi uly başlangyç taslamalaryna nädip maýa goýmalydygyny öwrenerler.
5-nji noýabrdan 10-njy noýabr aralygynda Şanhaýda 145-den gowrak ýurtdan kompaniýalary we kärhanalary birleşdirýän 5-nji Hytaý Halkara import önümleriň sergisi (CIIE) geçirilýär. Bu barada China Daily agentligi habar berýär.
Türkmenistanyň Energetika ministri Hajymuhammet Rejepmyradow eýranly kärdeşi Ali Akbar Mehrabian bilen energiýa pudagynda hyzmatdaşlygyň geljegini ara alyp maslahatlaşdy. Bu barada Tehran Times agentligi habar berýär.
Türkmenistanyň Daşary işler ministri Raşid Meredow Birleşen Milletler Guramasynyň adam hukuklary boýunça ýokary komissarynyň Merkezi Aziýa boýunça edarasynyň sebit wekili Riçard Komenda bilen duşuşdy. Bu barada Türkmenistanyň Daşary işler ministrliginiň metbugat gullugy habar berýär.
Ýewropanyň Täzeleniş we Ösüş Banky Ýewropany we Merkezi Aziýanyň 5 sany döwletini birleşdirýän durnukly ulag ýollaryny öwrenýär. Bu barada bankyň resmi web saýty habar berýär.
Türkmen talyplary ilkinji gezek iňlis dilindäki sözleriň harp bilen takyk dilden beýan etmek boýunça Daşkent şäherinde Merkezi Aziýa döwletleriniň arasynda geçiriljek «Spelling Bee» halkara bäsleşigine gatnaşarlar. Bu barada «Neýtralnyý Turkmenistan»gazeti habar berýär.
