Türkmen talyplary ilkinji gezek «Spelling Bee»halkara bäsleşigine gatnaşýarlar
Türkmen talyplary ilkinji gezek iňlis dilindäki sözleriň harp bilen takyk dilden beýan etmek boýunça Daşkent şäherinde Merkezi Aziýa döwletleriniň arasynda geçiriljek «Spelling Bee» halkara bäsleşigine gatnaşarlar. Bu barada «Neýtralnyý Turkmenistan»gazeti habar berýär.
Mundan öň ABŞ-nyň Türkmenistandaky ilçihanasynyň ýardam bermeginde Aşgabatda ilkinji gezek döwlet derejesindäki bäsleşik geçirilipdi. Döwlet derejesinde geçirilen bäsleşigiň ýeňijileri bu gezek sebit derejesindäki ýaryşa gatnaşarlar.
Türkmenistanyň adyndan Magtymguly adyndaky Türkmen döwlet uniwersitetiniň talyplary Perman Kyýasow we Aýlar Annageldiýewa, şeýle hem Myrat Garryýew adyndaky Türkmenistanyň Döwlet lukmançylyk uniwersitetiniň talyby Samir Babajanow we Döwletmämmet Azady adyndaky Türkmen milli dünýä dilleri institutynyň talyby Ogulgerek Paşikowa dagy çykyş ederler.
Bäsleşigiň esasy şerti iňlis dilindäki sözleriň harp bilen takyk beýan edilmegi bolup, ol bu çylşyrymly orfografiýasy bolanlygy sebäpli hatda öz ene dili iňlis dili bolan adamlara hem kynçylyk döredýär.
ORIENT news
Surat: centralasia.news
