TDHÇMB-daky söwdalaşmalar: Içerki bazarda plastik astlyklary satyn almak barada geleşik baglaşyldy
Sişenbe güni 8-nji noýabrda Türkmenistanyň Döwlet haryt çyg mal biržasyndaky söwdalaşmalarda ýerli telekeçi içerki bazar üçin 7 müň sany plastik astlyklary satyn aldy. Bu barada ORIENT-iň habarçysy habar berýär.
Jemi bahasy 4,1 million manatdan ýokary bolan geleşik «Senagat plastik» Hojalyk jemgyýeti bilen baglaşyldy. Astlygyň her biriniň bahasy 589 TMT diýlip kesgitlendi.
Söwdalaşmalara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalaşmalar duşenbe-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, tmex.gov.tm saýtyndaky funksional platformanyň üsti bilen öndürijiler bilen gönümel habarlaşyp, birža harytlarynyň söwdasy boýunça teklipler bilen tanşyp bolar. Şeýle-de birža harytlaryny ýerlemek baradaky bildirişleri çap etmek mümkinçiligi hem elýeterlidir.
ORIENT news
Surat: redaksiýanyň arhiwinden
