“Tarlan” kompaniýasy ýöriteleşdirilen iş egin-eşikleriniň täze nusgalaryny hödürleýär
Dürli hünärler üçin niýetlenilen ýokary hilli egin-eşikleri öndüriji – “Tarlan” türkmen kompaniýasy müşderilere gurluşykçylar, jemagat hyzmatlarynyň işgärleri, elektrikler, kebşirleýjiler hem-de beýleki hyzmat ediş gullyklarynyň işgärleri üçin niýetlenilen täze nusgalaryny hödürleýär.
“Tarlan”-yň geýim-gejimleri we ýöriteleşdirilen eşikleri amatlylygy hem-de iş aýratynlygy – göz öňünde tutulan jübileri hem-de şuňa meňzeş beýleki zerurlyklara niýetlenilen tapawutlyklar goşmaça eller ýa-da taýýar iş orny hökmünde ussanyň oňaýly işlemegine kömek edýär. Ýelimli böleginde üns çekiji jübä meňzeş ýerler hem bar. Eger-de, zerur bolan goşmaça abzallary, mysal üçin, nurbatlary berkidiji enjamlary we beýlekileri jemlemeli bolsa, şolara ildirmek bolýar. Şunda iş eşigi ykjam ussahana meňzeş – gözlemäge wagt ýitirmeli däl, hemme zat ýanyňda.
Kompaniýanyň dizaýnerleri reňk öwüşginlerine baý we geýmäge oňaýly bolan özboluşly iş eşiklerini işläp taýýarlaýarlar. Türkmen we türk dokma kärhanalarynyň önümçiliginiň tebigy nah matalaryndan önümleri tikýärler.
“Tarlan”-yň öndürýän şahsy goraga niýetlenilen egin-eşiklerini hem-de serişdelerini dürli kärhanalar we guramalar islendik möçberde hem-de buýrujynyň çyzgylary boýunça buýrup bilýärler. Müşderiniň islegine görä, kompaniýanyň dizaýnerleri meýilleşdirilen nusganyň üstünde goşmaça işläp hem bilýärler ýa-da islegleri göz öňünde tutup, täze nusgalary işläp taýýarlap bererler.
Güýz-gyş möwsüminde “goranyşyň” üstüni sintipon arkaly ýeňil we ýyly gursakçalar bilen hem ýetirip bolýar. Kompaniýa buýurmalary şeýle işleri ýerine ýetirmäk üçin-de kabul edýär.
“Tarlan”-yň önümleri bilen instagramdaky tarlan_ag sahypasyndan tanşyp bolar, hyzmatdaşlyk etmek baradaky meseleler boýunça bolsa şu: 100303, +993 63322222 telefon belgiler ýa-da tarlan.tm2020@gmail.com diýen elektron salgy arkaly habarlaşyp bolar.
ORIENT news
