Soňky 10 aýyň dowamynda Türkmenistan bilen Azerbaýjanyň arasyndaky söwda dolanyşygy takmynan 5 esse ýokarlandy. Bu barada Türkmen parlamentiniň ýokarky palatasynyň Başlygy Gurbanguly Berdimuhamedow azerbaýjanly kärdeşi Sahiba Gafarowa bilen duşuşygynda aýtdy – diýip, TDH agentligi ýazýar.
Gün fotoelektrik batareýalaryny we energiýa toplaýjy enjamlaryny döreden UGT Renewableskompaniýasynyň wekilleri Türkmen-Amerikan işewürlik forumyna gatnaşmak üçin Aşgabada amala aşyran saparynda Türkmenistanda 1000-1200 MWt kuwwatly gün elektrik stansiýalaryny gurmaga mümkinçiligiň bardygyny aýtdylar – diýip, ORIENT-iň habarçysy habar berýär.
«Ahal» FK öz taryhynda ilkinji gezek futbol boýunçaTürkmenistanyň çempiony boldy. Milli çempionatyň 25-nji tapgyrynyň oýnunda Mergen Orazowyňtürgenleri Türkmenbaşynyň «Şagadam» toparyny 4:2 hasaby bilen ýeňdi – diýip, Türkmenistanyň futbol federasiýasynyň saýty habar berýär.
Türkmenistan Birleşen Milletler Guramasynyň Azyk we oba hojalygy guramasy (FAO) bilen bilelikde önümçilikde we söwdada azyk galyndylarynyň mukdaryny azaltmak isleýär – diýip, guramanyň Merkezi Aziýa boýunça sebitleýin utgaşdyryjysy Wiorel Gusu aýtdy. Bu barada Trend agentligi habar berýär.
Ýabany haýwanlaryň göçýän görnüşlerini gorap saklamak oýunça Konwensiýa (Bonn konwensiýasy) we Germaniýanyň Tebigaty goramak boýunça federal agentligi Merkezi Aziýa süýdemdirijileri boýunça başlangyjyň çäklerinde pars gaplaňyny gorap saklamagyň sebitleýin strategiýasyny kabul etmek üçin onuň çäginde ýaşaýan döwletleriniň wekilleri bilen duşuşygy guramagy meýilleşdirýär.
9-11-nji dekabr aralygynda Belarus Respublikasynyň Minsk şäherinde möwsümiň iň iri we jemleýji ýaryşy – GDA-nyň açyk Kubogy – ITF görnüşinde taekwondo boýunça Dünýä kubogy geçirilýär.
Baýramyň öňüsyrasynda dogan-garyndaşlaryňyza we myhmanlara täze ýyl şatlygyny bermek gaty ýönekeý. Diňe birnäçe jikme-jiklik öýde isleýän gurşawyňyzy döretmäge ýardam berer. Munuň üçin «Bossan concept» bilen bilelikde özboluşly emeli gary we ýörite tagamly taýajyklary saýladyk.
Şenbe güni Aşgabatda V Merkezi Aziýa bilermenler maslahaty geçirildi. Maslahat Merkezi Aziýanyň döwletleriniň 5-niň strategik barlag institutlarynyň ýolbaşçylaryny we bilermenlerini hem-de beýlekileri bir ýere jemledi.
Türkmenistanyň we Russiýanyň parlamentara toparynyň ilkinji mejlisi 2023-nji ýylyň aprelinde Moskwada we Astrahanda geçiriler. Bu barada Aşgabatda resmi sapar bilen bolan RF-niň Federasiýa Geňeşiniň başlygynyň orunbasary Konstantin Kosaçew aýtdy diýip, TASS habar berýär.
Türkmenistanyň jemgyýetçilik guramalarynyň Forumy raýat jemgyýetçiliginiň, işewür toparlarynyň we döwlet häkimiýetiniň wekilleriniň gatnaşyk etmegi üçin nobatdaky mümkinçilige öwrüldi. Oňa Türkmenistanyň Mejlisiniň, Zähmet we ilaty durmuş taýdan goramak ministrliginiň, Saglygy goraýyş we derman senagaty ministrliginiň, Adalat ministrliginiň, Bedenterbiýe we sport baradaky komitetiniň hem-de paýtagtyň häkimliginiň bilermenleri gatnaşdylar.
Maýa Kulyýewa adyndaky Türkmen milli konserwatoriýasynyň talyby Aýlar Annamyradowa R.M.Glier adyndaky “Glieriň güýzi” atly VI Halkara saz bäsleşiginiň laureaty boldy. Bu bäsleşik Moskwada her ýyl dünýäniň iň zehinli ýaş sazandalarynyň arasynda onlaýn görnüşde geçirilýär we ýerine ýetirijileriň arasynda ýeňiş gazanmak üçin meşhur kompozitorlaryň repertuaryndan saýlanan eserleri ýerine ýetirmeli. Bu eserleriň juda çylşyrymly kompozisiýalardygyny aýtmalydyrys.
Özbegistan sowugyň gelmegi bilen elektrik energiýanyň içerki sarp edilişiniň artmagy bilen baglylykda, ony Türkmenistandan import etmegini artdyrdy diýip, anna güni Özbegistanyň Energetika ministrliginiň metbugat gullugy habar berdi.
"Türkmenistan" awiakompaniýasy Aşgabatdan Dubaýa (BAE), Kazana (Tatarstan, RF), Moskwa (RF), Stambula (Türkiýe) we Maýndaky Fankfurta (Germaniýa) amala aşyrylýan halkara uçar gatnawlarynyň awiapetekleriniň bahasyny 2,5% arzanlatdy.
Aşgabat şol wagta çenli Sankt-Peterburgyň ýa-da Moskwanyň dogan şäherine öwrülip, 2024-nji ýyla meýilleşdirilýän GDA ýurtlarynyň dogan şäherleriniň ilkinji duşuşygyna gatnaşyp biler. Bu çäräniň Moskwada geçirilmegi gaty ähtimal. Bu barada penşenbe güni Aşgabatda TASS agetligine "Dogan şäherler" halkara birleşiginiň ýerine ýetiriji sekretary Olga Şirokowa habar berdi.
Prezident Serdar Berdimuhamedow Halkara Bitaraplyk güni mynasybetli günä geçişlik barada Permana gol çekdi. Resminama laýyklykda, iş kesilip, azatlykdan mahrum edilen 308 adam tussaglykdan boşadylar. Döwlet baştutany anna güni geçirilen Ministrler Kabinetiniň mejlisinde degişli ýolbaşçylara günäsi geçilen adamlaryň ýakyn wagtda öýlerine, maşgala agzalarynyň arasyna barmagy üçin ähli zerur çäreleri görmegi tabşyrdy.
