Edebiýat, fizika, himiýa, fiziologiýa we lukmançylyk, şeýle-de ykdysadyýet boýunça 2022-nji ýyl üçin Nobel baýraklarynyň gowşuryş dabarasy Stokgolmda geçirildi. Dabara, adatça her ýyl 10-njy dekabrda, baýraklary esaslandyryjy Alfred Nobeliň aradan çykan güni geçirilýär.
Hazar deňzi özüniň ajaýyp görnüşi bilen nobatdaky gezek Instagram ulanyjylaryny haýran galdyrdy. Aktaunyň ýaşaýjysy, Gazagystanyň tebigaty barada köpsanly wideo ýazgylaryň awtory Azamat Sarsenbaýew ýakynda ýüzüniň kä ýerleri buz bilen örtülen deňziň gözel görnüşleri düşürilen wideoýazgysyny internete ýükledi. Bu barada “Astana Times” ýekşenbe güni okyjylaryna habar berýär.
“Awazadaky sammit biziň tagallalarymyzyň soňkusydyr we anyk mysalydyr. Energetika, ulag we täjirçilik meseleleri biziň sammitimizň gün tertibiniň esasy ugurlary bolar. Şu sebäpli biz gatnaşyklarymyzyň hukuk esaslaryny berkitmek üçin dürli ylalaşyklara hem gol çekeris” diýip, Rejep Taýyp Ärdogan sişenbe güni Türkiýe-Azerbaýjan-Türkmenistan sammitiniň öňüsyrasyndaky metbugat-maslahatynda aýtdy.
GDA-nyň Ýaşlar simfoniki orkestriniň konserti Daşkentde geçirilýän Garaşsyz döwletler arkalaşygynyň döredijilik we ylmy intelligensiýasynyň XV forumynyň ilkinji gününiň soňky akkordy boldy.
– Özbegistana gyş möwsüminde ýurduň içerki zerurlyklaryny üpjün etmek üçin Türkmenistandan 1,5 milliard kub metr tebigy gaz goýberiler – diýip, Özbegistanyň Ministrler Kabinetiniň Ýangyç we energetika toplumynyň wekili sişenbe güni RIA Nowosti habarlar gullugyna habar berdi.
Gämi gatnawly Wolga-Hazar deňiz kanalynda gämileriň suwa çümýän böleginiň 4,5 metr derejä ýetirilip, has oňaýly geçijiligini üpjün etmek üçin 2023-nji ýylda suwuň düýbüni çuňlaşdyrmak işlerine başlanylar. Russiýanyň prezidenti Wladimir Putin Ministrler Kabinetine we Astrahan oblastynyň hökümetine bu taslamany bilelikde durmuşa geçirmegi tabşyrdy. Degişli resminama Kremliň saýtynda ýerleşdirildi.
BMGÖM-nyň we BMG-niň Ilat gaznasynyň edaralary tarapyndan Aşgabatda gurnalan duşuşykda Türkmenistanyň jemgyýetçilik guramalarynyň, degişli ministrlikleriniň we edaralarynyň wekilleri ýurtda zenan maşgalalara ulanylýan zorluga garşy göreşmek boýunça milli ulgamyň döredilmeginiň meseleleriniara alyp maslahatlaşdylar.
BMG-niň Türkmenistandaky Çagalar Gaznasynyň wekilhanasynyň başlygy Muhammet Faýazi guramanyň dürli maksatnamalarynyň durmuşa geçirilmegine ýurduň goşýan goşandyny belläp, türkmen tarapynyň ÝUNISEF-iň goldawy bilen ilatyň immunizasiýasy üçin 83 million amerikan dollaryndan gowrak maýa goýýandygyny belledi.
TAP AG-nyň dolandyryjy müdiri Luka Şippati Günorta gaz geçelgesiniň bir bölegi bolan Adriatika deňizüsti turbageçirijisiniň 2027-nji ýyla çenli düýpli abatlanmasyna maýa goýulmagy bilen onuň kuwwatynyň 20 milliard kub metre çenli ýokarlanjakdygyny aýtdy. Bu barada ol «Interfaks» agentligi bilen geçirilen söhbetdeşliginde habar berdi.
Moskwada türkmen skripkaçysy, Russiýanyň Gnesinler adyndaky Saz akademiýasynyň asistent-stažýory Aýbölek Muhyýewanyň ýekelikde ilkinji konserti geçiriler. Bu çykyş 15-nji dekabrda Russiýanyň paýtagtyndaky öňdebaryjy ÝOM bolan Saz akademiýasynyň kamera zalynda bolar.
– Sankt-Peterburg Russiýanyň we GDA ýurtlarynyň prezident kitaphanalary birleşigini döretmek üçin platforma öwrüler – diýip, prezident kitaphanasynyň metbugat gullugy habar berýär, ol ýerde duşenbe güni halkara derejeli täze guramanyň döredilmegi baradaky teswirnama gol çekildi.
Duşenbe güni Aşgabatda “Berkarar” söwda-dynç alyş merkezinde multibrend aýakgaplaryny satmak bilem meşgullanýan Flo türk kompaniýasynyň ilkinji resmi dükany açyldy.
Türkmenistanyň wekiliýeti Daşkent şäherinde geçirilýän GDA agza ýurtlaryň döredijilik we ylmy intelligensiýasynyň XV maslahatyna gatnaşýar.
Türkmenabat halkara howa menziliniň golaýynda ähli zerur infrastrukturany öz içine alýan, dört gatdan ybarat bolan 40 sany ýaşaýyş jaýly täze ýaşaýyş jaý toplumy dabaraly ýagdaýda açylyp ulanmaga berildi. Bu barada «Neýtralnyý Türkmenistan» gazeti habar berýär.
Türkmenistanyň Alp Arslanyň adyndaky milli drama teatry Halkara Bitaraplyk güni mynasybetli baýramçylyk maksatnamasyny hödürlär – diýip, teatrda ORIENT-e habar berdiler.
