«Türkmenistanyň Ulag-logistika merkezi» açyk görnüşli paýdarlar jemgyýeti gyzklanma bildirýän taraplara amatly nyrhlarda ýük konteýnerleri kärendesine ulanmaga berýär.
Türkmenistanyň Söwda senagat edarasynyň wekili Kemal Weliýew özbek tarapynyň başlangyjy bilen geçirilen Türki döwletleriň Söwda-senagat edaralarynyň birleşiginiň nobatdan daşary mejlisine gatnaşdy.
Hytaýyň aragatnaşyk operatorlary mobil aragatnaşygyň indiki nesli bolan 6G aragatnaşyk ulgamyny işjeň ornaşdyrýar.
Prezident Serdar Berdimuhamedow Türkmenistanyň Şanhaý Hyzmatdaşlyk Guramasynyň ykdysady taslamalaryna gatnaşmaga taýýardygyny mälim etdi.
Russiýanyň Kawkaz sebitinde ýerleşýän Merkezi Aziýa barslaryny köpeltmek merkezinde türkmen barsynyň ýene bir çagasy boldy. Häzirki wagtda merkezde ösdürilip ýetişdirilýän barslaryň sany 13-e ýetdi.
Tatarstanyň Pestreçin raýonynyň Şali obasynyň golaýynda «Ýüpek ýoly» halkara ýörişiniň çäklerinde synag girişleri boldy. Ol 5-nji iýuldan 15-nji iýul aralygynda geçer. Toparlar öz tehnikasynyň başlama taýýarlygyny synag etdiler.
Russiýanyň Naberežnyý döwlet mugallymçylyk uniwersitetiniň işläp taýýarlamasynyň esasynda mugallymyň sanly simulýatorynyň türkmen görnüşi taýýarlanylyp bilner. Bu sanly simulýator ýaş mugallymlaryň goýberýän ýalňyşlyklaryny “duýdurýar” we degişli maslahatlary berýär.
Şanhaý hyzmatdaşlyk guramasynyň döwletleriniň baştutanlarynyň Geňeşiniň nobetdaky mejlisinde çykyş etmek bilen, Täjigistanyň prezidenti Emomali Rahmon ŞHG-ny mundan beýläk-de giňeltmegiň konsepsiýasyny işläp düzmegi teklip etdi- diýip, BelTA habar berýär.
Türkmenistanyň Prezidenti Serdar Berdimuhamedow Amerikanyň Birleşen Ştatlarynyň Prezidenti Jozef Baýdeni ABŞ-nyň Garaşsyzlyk güni bilen gutlady.
BMG-niň Çagalary goramagyň halkara gaznasy (ÝUNISEF) Türkmenistanda orta mekdepleriň robotehnika başlangyçlaryny goldamagy maksat edinýär.
“Demirýollary” açyk görnüşli paýdarlar jemgyýeti ýokary amatlyklary bolan VIP wagonlarynyň hyzmatyny gaýtadan ýola goýdy. Bu hyzmatly ýolagçy otly gatnawlaryna biletleri ýurdumyzyň demir ýol menzillerinden satyn alyp bolar.
Türkmenistanyň Maliýe we ykdysadyýet ministrligi Germaniýanyň Ykdysadyýet we howany goramak federal ministrligi bilen bilelikde ýurdumyzyň dolandyryş işgärleriniň hünärini ýokarlandyrmak boýunça okuw çäreleriniň 2023-nji ýyldaky tapgyrynyň çäklerinde «Ýaşyl» ykdysadyýet (green economy) we «Akylly» oba hojalygy (smart farming) we azyk senagaty» toparlaryna gatnaşjak, döwlete dahylsyz taraplaryň arasyndan dalaşgärleri seçip almak üçin söhbetdeşlik yglan edýär.
BAE-niň wise-prezidenti we premýer-ministri, şeýle hem Dubaýyň hökümdary şeýh Mohammed bin Raşid Al Maktum BAE-niň ýollarynda sürüjisiz ulag serişdelerini ulanmak üçin ilkinji ygtyýarnamany tassyklady.
Bu möhletli goýum ýyllyk 11% bilen 1 (bir) ýyl möhlete açylýar.
Sişenbe güni Arkadag şäherinde şäher gurluşygy we binagärlik, senagatyň ýokary tehnologiýalary we şäherleşme pudagynda döwlet syýasatynyň durmuşa geçirilmegine bagyşlanan halkara konferensiýa geçirildi. Foruma gurluşyk we senagat toplumynyň pudak ýolbaşçylary, türkmen ykdysadyýetiniň bu pudagyna gatnaşýan iri daşary ýurt kompaniýalarynyň ýolbaşçylary we wekilleri gatnaşdylar.
