Türkmen ýaşlary ýurdumyzyň kompaniýalarynda iş tejribesini geçip bilerler
Ýewropa täzeleniş we ösüş banky ýurdumyzyň kiçi we orta işewürlik kärhanalarynda iş tejribesini geçmek üçin ýaş hünärmenleri kabul etmäge başlady.
Bu başlangyç «Türkmenistanyň ykdysadyýetçiler birleşigi» Milli jemgyýetçilik birleşigi hem-de «Arassa Nusga» hojalyk jemgyýeti bilen bilelikde amala aşyrylýar. Onuň çäklerinde Türkmenistanyň ýokary we orta hünär mekdepleriniň üçünji we dördünji ýyl talyplary, şeýle hem 25 ýaşa çenli uçurymlar hususy türkmen kompaniýalarynda iki aýlyk iş tejribsini geçip bilerler.
Dalaşgärleri saýlap almak bäsleşik esasynda geçiriler. Saýlanyp alnan dalaşgärler kompaniýalaryň birine ugradylmazdan ozal taýýarlyk okuwyny geçerler.
Ýewropa Bileleşigi tarapyndan maliýeleşdirilýän bu maksatnama ýaşlary iş bilen üpjün etmäge, şeýle hem kompaniýalara ýaşlaryň arasyndan işgär saýlap almakda ýardam bermäge gönükdirilendir. Maksatnama 2023-nji ýylyň oktýabr aýynda herekete giriziler.
Bu maksatnama gatnaşmak üçin 31-nji awgusta çenli degişli görnüşdäki resminamany doldurmak zerurdyr.
Resminama türkmen dilinde.
Resminama rus dilinde.
ORIENT news
