Aşgabadyň 40 we 113 belgili ýolagçy awtobuslary 29-njy martdan başlap özleriniň iň soňky duralga nokadyny üýtgedýärler - diýip, «Türkmenawtoulaglary» agentliginiň resmi saýty habar berýär.
Türkmenistanyň Fransiýadaky ilçisi Maksat Çaryýew ÝUNESKO-nyň baş direktorynyň orunbasary Firmin Eduard Matoko bilen hyzmatdaşlygyň amaly jähtlerini ara alyp maslahatlaşdy.
Tutuş yslam dünýäsinde musulmanlaryň agyz beklenýän mukaddes Oraza aýy dowam edýär. Oraza hemmeler üçin şol bir wagtda gelse-de agyz beklemegiň dowamlylygy, aýratyn hem, demirgazykda ýaşaýan musulmanlaryňky tapawutlanýar.
Türkmenistanyň Maliýe we ykdysadyýet ministrligi bäsleşikli söwdanyň geçirilýändigini yglan etdi, onda döwlet eýeçiligine degişli 36 desga satuwa çykarylar. Sanaw 26-njy martda «Neýtralnyý Turkmenistan»gazetinde çap edildi.
Hyzmatdaşlygy mundan beýläk-de ösdürmegiň meselelerini ara alyp maslahatlaşmak maksady bilen,Ý. Kakaýew adyndaky Halkara nebit we gaz uniwersitetinde Türkmenistanyň nebitgaz pudagynyň wekilleriniň bu ugurdan ýöriteleşen halkara kompaniýalary we ýokary okuw mekdepleri bilen iş duşuşygy geçirildi.
Duşenbe güni, 27-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $2,6 mln amerikan dollaryna deň bolan 6 geleşik baglaşyldy.
Ýakyn 3 ýylda Ýewraziýanyň ösüş Banky Merkezi Aziýanyň suw-energetika toplumyna azyndan $400 mln amerikan dollary möçberinde maýa goýmaklygy meýilleşdirýär. Bu barada Ýewraziýa Bankynyň müdirliginiň başlygy Nikolaý Podguzow BMG-niň suw serişdeleri baradaky Nýy-Ýorkda tamamlanan maslahatynda beýan etdi.
RYA-nyň M.W.Keldyş adyndaky Amaly matematika instituty näbelli uçýan obýektleri (UFO) öwrenjek ylmy maksatnamany ýola goýdy – diýlip, institutyň duşenbe güni beren habarynda aýdylýar.
Mitro International Limited kompaniýasy Türkmenistanyň energetika pudagyna daşary ýurt maýa goýumlaryny çekmek boýunça 2023-nji ýylyň 26-27-nji aprelinde Dubaýda geçjek Halkara forumyň altyn gatnaşyjysy boldy.
30-njy martda GDA-nyň Minskdäki baş edarasynda GDA-nyň Ykdysady Geňeşiniň ýanyndaky Hemişelik Wekiller Geňeşiniň we Ykdysady meseleler boýunça toparynyň bilelikdäki mejlisi geçiriler.
Türkmenistan, biziň daşary ykdysady syýasatymyzyň esasy ugry bolup çykyş edýän halkara ulag hyzmatdaşlygynyň ösdürilmegine uly ähmiýet berýär, - diýip Prezident Serdar Berdimuhamedow duşenbe güni «Rossiýskiýe železnyýe dorogi» APJ geňeşiniň başlygy Oleg Belozýorow bilen geçirilen duşuşygynda aýtdy.
Hytaý bilen Merkezi Aziýanyň arasyndaky demir ýol ýük daşamalary Altynköl-Horgos alternatiw serhet geçelgesi boýunça ugra gönükdiriler. Gatnawlaryň aglaba köpüsi Hytaý bilen Türkmenistanyň, Özbegistanyň, Gyrgyzystanyň we Täjigistanyň arasyndaky ýüklere degişlidir. Alaşankou serhet geçelgesi ozalkysy ýaly, Hytaýdan Ýewropa we Russiýa gidýän otlylar, şeýle hem Gazagystana barýan otlylar üçin açykdyr.
Merkezi Aziýada buzluklara gözegçilik etmek boýunça halkara resminama işlenip taýýarlanar. Bu barada Gazagystanyň premýer-ministriniň birinji orunbasary Roman Sklyar mälim etdi – diýip, şu gün, 27-nji martda "Kazinform" habarlar agentligi habar berýär.
"Şu gün Budapeştde Özbegistanyň ilçihanasynyň açylmagy bilen, indi Wengriýada Türki döwletler guramasynyň ähli agza ýurtlarynyň diplomatik wekilhanalary bar" – diýip, Wengriýanyň Daşary işler we daşary ykdysady gatnaşyklar ministri Piter Siýýarto ilçihananyň “Facebook”-da ýaýlyma berlen açylyş dabarasynda aýtdy.
Türkiýäniň günorta-gündogarynda bolup geçen weýrançylykly ýer titremelerinden soň ýurtda totyguşlara bolan gyzyklanma artdy, öý guşlarynyň ýerasty sarsgynlary öňünden duýýandygy baradaky maglumat esasynda totyguşlaryň satuwy ýokarlandy – diýip, “Yeni Akit” neşiri ýazýar.
