BelTA: Belarusda gaz pudagynda howpsuzlygy üpjün etmek üçin EI ulanýarlar
Belarusda gaz pudagynda zähmet howpsuzlygyny ýokarlandyrmak üçin emeli intellekti ulanyp başladylar – diýip, ýurduň Energetika ministrligine salgylanyp, BelTA habar berýär.
Neýron tory işgäriň şekilini stasionar kameranyň (mobil goşundynyň) kömegi bilen seljerýär, ýörite iş egin-eşiginiň barlygyny we aýakgaplaryň, gorag baş gabynyň dogry geýlendigini kesgitleýär. Eger-de ýörite egin-eşik ýok bolan halatynda ýa-da olaryň biri nädogry geýlen bolsa, ulgam duýduryş berýär.
Emeli intellektiň şahsy gorag serişdelerine gözegçilik ulgamyny girizmek boýunça taslama «Witebskoblgaz» UP tarapyndan Vision Zero atly nol derejedäki şikeslik konsepsiýasynyň çäklerinde ýerine ýetirildi.
Ulgam önümçilikde zähmeti goramak we howpsuzlyk düzgünlerini ýerine ýetirmeklige netijeli gözegçiligi üpjün eder, önümçilikde şikes almaklygyň derejesini kemeltmäge, şeýle hem onuň öňüni almak üçin edilýän çykdajylary kemeltmäge kömek eder.
«Zähmetiň howpsuz şertleri - pudagyň her bir guramasy üçin möhüm ileri tutulýan zatdyr. Olary üpjün etmek üçin çemeleşmeler hemişe kämilleşdirilýär, şol sanda täze tehnologiýalary ulanmak arkaly kämilleşdirilýär. Intellektual wideo analitika ulgamy iş prosesslerini sanlylaşdyrmagyň öňdebaryjy ugurlarynyň biridir» - diýip, edarada bellediler.
ORIENT habarlar
