2023-nji ýylyň ýanwar-sentýabr aýlarynda Ro-Pax awtoulag we ýolagçy gatnadýan paromlarda daşalan awtoulaglaryň sany 19 028,0 ýetdi we 2022-nji ýylyň degişli döwürleri bilen deňeşdirilende 127,4% ösüş gazanyldy.
Halkara awtoulaglar birleşiginiň Baş sekretary Umberto de Pretto Hytaýy Ýewropa bilen birleşdirýän Gündogar - Günbatar ugrunyň Türkmenistanyň we Eýranyň çäklerind egeçýän günorta şahasynyň geçirijilik mümkinçiliklerine ýokary baha berdi.
TOPH gaz geçirjisiniň gurluşyk taslamasy ykdysady ösüş we ilat üçin iş ýerlerini döretmek üçin örän wajyp taslamalaryň biri hasaplanylýar. Jemi 1814 kilometre uzaýan gaz geçirijiniň 735 kilometri Owganystanyň çäginden geçmegi göz öňünde tutulýar.
Gazagystanyň işewür wekiliýetiniň Türkmenistana alty günlük sapary netijesinde 3 million dollarlyk deslapky şertnamalara gol çekildi.
2023-nji ýylyň 13-nji oktýabrynda iki ýurduň ilçihanalarynyň ýakyndan ýardam bermeginde, Gruziýanyň «Geosky Airlines» awiakompaniýasynyň howa gämisi Türkmenabadyň Halkara howa menziline ilkinji gonuşy amala aşyrdy. Bu awiakompaniýa häzirki wagtda Tbilisi (Gruziýa) – Zhengzhou (Hytaý) – Türkmenabat (Türkmenistan) – Zaragoza (Spaniýa) – Tbilisi (Gruziýa) ugurlary boýunça ýük gatnawlaryny amala aşyrýar.
2023-nji ýylyň ýanwar-awgust aýlarynda Azerbaýjan bilen Türkmenistanyň arasyndaky söwda dolanyşygy geçen ýylyň degişli döwri bilen deňeşdirilende takmynan 3 esse ýokarlandy we 645 million ABŞ dollaryna ýetdi. Azerbaýjanyň ilatyň zähmet we sosial goragy ministri Sahil Babaýew muny Bakuwdaky “Gülüstan” köşgünde, Türkmenistanyň Garaşsyzlygynyň 32 ýyllygy mynasybetli geçirilen dabarada aýtdy.
Astana şäherinde Digital Bridge-2023 halkara tehnologiýa forumy geçirildi. Oňa 30 ýurtdan we 300 kompaniýadan 20 000-den gowrak wekil, şol sanda «Türkmenaragatnaşyk» agentliginiň başlygy Hajymyrat Hudaygulyýewiň ýolbaşçylygyndaky wekiliýet gatnaşdy.
Häzirki günde “OGT 2023” halkara maslahatyna we sergisine dünýäniň 35 ýurdundan 400-den gowrak wekiliň gatnaşjakdygy hasaba alyndy. Olar özleriniň toplan tejribeleri bilen paýlaşyp, Türkmenistanyň nebitgaz toplumynyň ösüşine täsir edýän sebit we ählumumy taraplary ara alyp maslahatlaşarlar.
Aşgabatdaky «Arçabil» myhmanhanasynda, Bütündünýä gümrük guramasy bilen Türkmenistanyň Döwlet gümrük gullugynyň bilelikde gurnamagynda geçirilýän Gümrük gullukçylarynyň hünär etikasy boýunça sebitleýin maslahaty öz işine başlady.
Azerbaýjanyň Şuşa şäherinde geçirilen Ykdysady Hyzmatdaşlyk Guramasynyň Daşary işler ministrleriniň geňeşiniň 27-nji mejlisinde “Sanly Ýüpek ýoly” taslamasy tanyşdyryldy. “AzerTelecom” kompaniýasynyň ýolbaşçylarynyň hem gatnaşan çäresinde strategik ähmiýetli “Sanly Ýüpek ýoly” taslamasynyň esasy düzümi bilen tanyşdyryldy.
11-nji oktýabrda Türkmenistanyň Koreýa Respublikasyndaky ilçisi B.Durdyýew Seulda «Merkezi Aziýa-Koreýa Respublikasy» Hyzmatdaşlyk forumynyň kätipliginiň Ýerine ýetiriji komitetiniň 14-nji mejlisine gatnaşdy.
Sişenbe güni Buharestde energetika pudagyndaky hyzmatdaşlyk boýunça türkmen-rumyn iş toparynyň nobatdaky maslahaty geçirildi. Rumyniýanyň Energetika ministrliginde geçirilen ýygnakda türkmen tarapyna “Türkmennebit” döwlet konserniniň başlygy Guwanç Agajanow ýolbaşçylyk etdi.
Soňky ýyllarda energetika pudagy ählumumy özgertmeleri başdan geçirip, howanyň üýtgemegine garşy göreşmek üçin "ýaşyl" energiýa ugruny geljegiň ösüş ugry hökmünde saýlap alýan ýurtlaryň sany barha artýar. Energiýanyň gaýtadan dikeldilýän görnüşlerine geçmek durnukly ösüş ýoly bilen öňe gitmekde möhüm ädim boldy. Howanyň üýtgemegi we metan zyňyndylarynyň möçberini azaltmak bilen bagly meseleler soňky ýyllarda Türkmenistanda geçirilýän halkara energetika maslahatlarynyň esasy üns merkezindäki wezipeler boldy.
Gurluşyk işlerine şu ýylyň oktýabrynda başlamak we 2026-njy ýylyň sentýabr aýynda ulanmaga doly taýýar edip tabşyrmak bellenildi.
Türkmenistanyň Birleşen Arap Emirliklerindäki ilçisi Serdarmämmet Garajaýew duşenbe güni Dubaýda geçirilen “Dragon Oil”-yň täze nyşanyny (logo) görkezip, önümçiligi artdyrmak meýilnamasyny yglan etmegi bilen baglanyşykly dabara gatnaşdy.
